الەمدەگى ەڭ باقىتسىز مەملەكەت بۋرۋندي دەپ تانىلسا، ەڭ باقىتتىسى — دانيا. بۇل جايىندا بۇۇ تاپسىرىسى بويىنشا Sustainable Development Solutions Network كومپانياسى جۇرگىزگەن زەرتتەۋىنە كەيىن بەلگىلى بولدى. زەرتتەۋ جۇمىسى World Happiness Report Update 2016 دەپ اتالادى.

دانيا بىلتىر وسى تىزىمدە ءبىرىنشى ورىن العان شۆەيتساريانى ەكىنشى ورىنعا ىسىرىپ، ءوزى كوشباسشى اتاندى. ەڭ باقىتتى ەلدەردىڭ وندىعىندا سونداي-اق، يسلانديا، نورۆەگيا، فينليانديا، كانادا، نيدەرلاندى، جاڭا زەلانديا، اۋستراليا، شۆەتسيا سىندى ەلدەر بار.

رەيتينگ 157 مەملەكەتتەن تۇرادى. ءتىزىمنىڭ ەڭ سوڭعى ساتىسىندا بۋرۋندي ەلى تۇر. سونداي-اق، ەڭ باقىتسىز ەلدەردىڭ بەستىگىنە سيريا، توگو، اۋعانستان جانە بەنين ەنىپ وتىر.

قازاقستان بولسا ءتىزىمنىڭ ورتا تۇسىندا، ياعني 54-ءشى ساتىسىندا. ءبىزدىڭ ەل مولدوۆا مەن رەسەيدەن، پولشا مەن سولتۇستىك كورەيادان باقىتتىراق. ال، قازاقستاننىڭ الدىندا يتاليا (50), ەكۆادور (51), بەليز (52) جانە جاپونيا (53) ورنالاسقان.

رەيتينگتى جاساعان ساراپشىلاردىڭ ايتۋىنشا، مەملەكەتتىڭ باقىتتى بولۋى حالىقتىڭ ءومىر ءسۇرۋ دەڭگەيىنە سونشالىقتى بايلانىستى ەمەس. ءتىزىمدى جاساۋعا نەگىزىنەن ەلدىڭ ەكونوميكالىق، الەۋمەتتىك جانە تابيعي دامۋى اسەر ەتكەن.

ەلدەردىڭ باقىتتىلىق ءتىزىمىن مىنا سىلتەمە ارقىلى كورۋگە بولادى.

دەرەككوزى: sn.kz

Abai.kz