جۇما, 29 ناۋرىز 2024
جاڭالىقتار 4082 0 پىكىر 26 ناۋرىز, 2016 ساعات 12:58

قازاق جاستارى بۇۇ مىنبەرىندە ادام قۇقىقتارى تۋرالى بايانداما وقىدى

2016 جىلى 21 ناۋرىز كۇنى بۇۇ-نىڭ جەنەۆا بولىمشەسىندە ادام قۇقىقتارىن قورعاۋ بويىنشا كەزەكتى 31 سەسسياسى ءوتتى. وندا ۆەنا دەكلاراتسياسى نەگىزىندە ناركوترافيكپەن كۇرەس بويىنشا قول جەتكىزگەن ناتيجەلەر تالقىلاندى.  سونىمەن قاتار، ادام قۇقىقتارى جونىندەگى جوعارى كوميسساردىڭ قاتىسۋىمەن ارەكەتتەگى باعدارلامالار جايلى ءسوز بولدى.

اتالمىش كەڭەستە ءبىزدىڭ وتانداسىمىز دانيار توقباەۆ قورشاعان ورتا جانە رەسۋرستاردى قورعاۋ جونىندە ۇكىمەتتىك ەمەس دۇنيەجۇزىلىك كەڭەس ۇيىم اتىنان قازاقستان جايلى دايىنداعان بايانداماسىن وقىدى. ايتا كەتەرلىگى، بۇگىندە وتانداسىمىز دانيار توقباەۆ جەنەۆا بيزنەس  مەكتەبىندە عىلىم دوكتورى دارەجەسى بويىنشا ىزدەنۋشى. 2015 جىلدىڭ قاراشا ايىندا «قازاليانس» قوعامدىق بىرلەستىگىنىڭ ۆيتسە-پرەزيدەنتى بولىپ تاعايىندالان. قازىرگى تاڭدا بۇۇ ەكوسوس اككرەديتاتسياسىنا يە ءتۇرلى حالىقارالىق ۇكىمەتتىك ەمەس ۇيىمداردىڭ وكىلدەرىمەن تىعىز ىسكەرلىك بايلانىستا جۇمىس ىستەۋدە.

«قازاليانس»  جانە حالىقارالىق عوب (نپو) اراسىنداعى ىسكەرلىك قارىم-قاتىناس شەڭبەرىندە ادام قۇقىقتارىن قورعاۋ بويىنشا ەكىجاقتى كووپەراتسيا قۇرۋعا قول جەتكىزدى. ادام قۇقىقتارى قورعالماعان ەلدە تەحنولوگيا نەمەسە قارجى سالۋدان كەز-كەلگەن ينۆەستور باس تارتادى. سوندىقتان بۇۇ ادام قۇقىقتارىن قورعاۋ جونىندەگى كەڭەس سەكىلدى الاڭدا قازاقستان جايلى بايانداما جاساۋ «قازاليانس» ءۇشىن ماڭىزدى سىناق بولعانى انىق. وسى رەتكى حالىقارالىق مىنبەردەن بوي كورسەتۋدىڭ ناتيجەسى  ەلىمىز ءۇشىن ينۆەستيتسيا تارتۋعا تىكەلەي سەپتىگىن تيگىزگەرى بەلگىلى.

 

شىمكەنت قالاسى اكىمى اپپاراتىنىڭ ءباسپاسوز قىزمەتى

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2279
عيبىرات

قايسار رۋحتى عازيز جان

مۇحتار قۇل-مۇحاممەد 3596