جۇما, 29 ناۋرىز 2024
دەپ جاتىر 3927 0 پىكىر 28 ناۋرىز, 2016 ساعات 13:18

BEK AIR-ءدىڭ ەكىنشى ۇشقىشى قوناەۆتىڭ جەكە ۇشقىشىنىڭ نەمەرەسى بولىپ شىقتى

كەشەلى بەرى جۇرت نازارى استانا اۋەجايىنا ءشاسسيسىز قونعان ۇشاق ۇشقىشتارىنىڭ ارەكەتىنە بۇرىلدى. پىكىرلەر ەكىگە جارىلىپ، ءبىرى ساپاسىز ۇشاق ۇسىنعان كومپانيانى سىناسا، ەندى بىرەۋلەر بورتىندا 116 جولاۋشى بولعان ۇشاقتىڭ ۇشقىشتارىنا العىستارىن ايتىپ جاتتى.

ال بۇگىن باق-تا  ۇشقىشتاردىڭ جەكە باستارىنا قاتىستى جاپ-جاڭا دەرەكتەر پايدا بولدى.

استانادا اپاتتى جاعدايدا قونعان Fokker-100 (Bek Air) ۇشاعىنىڭ ەكىنشى ۇشقىشى ۆاديم سمەرەچانسكي دىنمۇحامەد قوناەۆتىڭ جەكە ۇشقىشىنىڭ نەمەرەسى بولىپ شىقتى. بۇل تۋرالى ول «Vلاستي» باسىلىمىنا بەرگەن سۇحباتى بارىسىندا ايتقان.

ء"بىز مۇنداي توتەنشە جاعدايلارعا ءار جارتى جىل سايىن دايىندالىپ، جاتتىعامىز. ءبىزدىڭ اۋە كومپانياسىندا ءار ۇشقىش كەز-كەلگەن وقىس جاعدايعا ءازىر. ارينە جاتتىقتىرۋشى قۇرال ناعىز ۇشاق ەمەس. سول سەبەپتى، الاڭداۋشىلىق بولدى، دەگەنمەن، ۇشاق قاۋىپسىزدىگىن قامتاماسىز ەتۋ - ءبىزدىڭ مىندەتىمىز»،  - دەيدى ۆاديم.

«بىراق ءبىز بارلىق ۇشقىشتارمەن بىرگە ەسەڭگىرەپ قالماي، جاعدايدى باقىلاۋدا ۇستادىق، ءوزىمىزدى سابىرعا شاقىرىپ، ۇشاقتى قوندىردىق. ابدەن قونعاننان كەيىن عانا الاڭداۋشىلىقتى سەزىنۋگە مۇمكىندىك بولدى. سەبەبى، ۇشاق ۇشىپ بارا جاتقاندا شەشىمدى تەز ارادا قابىلداۋ كەرەك، الاڭداۋعا دا ۋاقىت بولمايدى. قازىر ءبارىمىز از دا بولسا سابىرعا كەلدىك، پسيحولوگيالىق كومەكتىڭ دە قاجەتى بولمادى", - دەيدى سمەرەچانسكي.

ول مۇنداي جاعداي اۋە كومپانياسىندا العاش رەت ورىن الىپ تۇرعانىن العا تارتتى.

"قۇرلىقتاعى قىزمەتكەرلەر بىزگە جولاۋشىلاردىڭ، ءتىپتى ءشاسسيسىز قونعاندارىن تۇسىنبەگەنىن ايتتى", - دەيدى ول.

ۆاديم سمەرەچانسكي - دىنمۇحامەد قوناەۆتىڭ جەكە ۇشقىشى بولعان الەكساندر كورنەەۆيچ سمەرەچانسكيدىڭ نەمەرەسى. الەكساندر سمەرەچانسكي كەزىندە ءمىنسىز قىزمەتى ءۇشىن مەدالدار جانە وردەندەرمەن ماراپاتتالعان.

ۆاديم سمەرەچانسكي وتباسىندا ءۇشىنشى ۇرپاق قاتارىنان ۇشقىش جولىن تاڭداعانىن جاسىرمادى.

"مەنىڭ اتام دىنمۇحامەد قوناەۆتىڭ جەكە ۇشقىشى بولعان. وكىنىشكە قاراي، اتام ومىردەن وزعان. دەگەنمەن، تۇلعا رەتىندە ول ماعان زور اسەر ەتتى»، - دەيدى ۆاديم.

ۆاديم 2009 جىلدان باستاپ ۇشقىش قىزمەتىن اتقارادى. 3 مىڭنان استام ساعات اۋەدە بولعان.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2279
عيبىرات

قايسار رۋحتى عازيز جان

مۇحتار قۇل-مۇحاممەد 3596