جۇما, 29 ناۋرىز 2024
بيلىك 7997 0 پىكىر 30 ناۋرىز, 2016 ساعات 09:49

وزگەنىڭ اتاعى مارتەبە وسىرە مە؟

ءبىراز جىل بولدى كورنەكتى اقىن، قالىڭ ەلگە تانىمال رافاەل نيازبەكوۆ اعامىز ولەڭى شىقسىن، ماقالا جازسىن، ءسوز السىن ۇنەمى ءوزىن «شەشەن رەسپۋبليكاسىنىڭ ەڭ جوعارى «ۇلت نامىسى» وردەنىنىڭ يەگەرى، شەشەنستان مەملەكەتتىك جانە حالىقارالىق «الاش» سىيلىعىنىڭ لاۋرەاتى» دەگەن ۇزاق-سونار اتاقتارىن جازۋ مەن ايتۋدى ادەتكە اينالدىرعانىن بىلەمىز.

اقىن اعامىز ەگەر مۇنى سول شەشەنستاندا جۇرگەندە ايتىپ جاتسا، بالكىم جاراسار-اق. ال ءوز ەلىمىزدە كوكەمىز وزگە جۇرتتىڭ اتاعىن تەرمەلەپ ايتسا، شىنىمەن-اق جەلكە جالى كۇدىرەيىپ،  مارتەبەم ۇستەم، مەرەيىم زور بولادى دەي مە ەكەن؟  ايتپەسە، قالىڭ قازاققا پوەزيا اقتانگەرى  «رافاەل نيازبەكوۆ» دەگەن ء بىر اۋىز ءسوزدىڭ ءوزى-اق جەتكىلىكتى، ادەبيەت پەن ونەر الەمىندە  باياعىدان-اق مارتەبەلى تۇلعا ەمەس پە؟

وسىنىڭ سالدارى بولۋى كەرەك، وسى  ادەت وزگە دە جامپوزدارىمىزعا «جۇعا» باستادى. ايتالىق، مەنىڭ قۇرداسىم، قالىڭ الاش جۇرتىنا تانىمال تارلان بايانعالي ءالىمجانوۆ ماقالالارىنىڭ سوڭىندا  «ماناسشى، قىرعىزستاننىڭ ا.مالدىباەۆ اتىنداعى  حالىقارالىق سىيلىعىنىڭ لاۋرەاتى» دەگەندى جازاتىن بولىپ ءجۇر. اپىراي باكە، بۇل پانيدە جالعاندىققا، ماقتانگەرشىلىككە جانى قاس ەكى ادام بولسا، سونىڭ ءبىرى سەنسىڭ دەپ ەسەپتەيمىن. قايتالاپ ايتايىن، ەگەر مۇنى قىرعىز باسپاسوزىندە، سول ەلدە جۇرگەندە جازسا، ايتسا ءبىر ءجون. ال الاشىڭنىڭ الدىندا وزگە ەلدىڭ اتاعى قازاقتىكىنەن قانشالىقتى بيىك، بەدەلدى؟ نەگە ءبىز وزگەنىڭ شاپانىمەن قازاقتىڭ الدىندا قىر كورسەتكەندەي بولامىز؟ بۇگىنگى كوزى اشىق، كوكىرەگى وياۋ قازاق جۇرتى  اردا ەكى تالانت بايانعالي ءالىمجانوۆتىڭ كىم ەكەنىن، قانداي اتاق-داڭقى بارىن بىلمەيدى دەگەنگە سەنبەيمىن.

 جانۇزاق ايازبەكوۆ، قوستاناي قالاسى

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3600