بەيسەنبى, 28 ناۋرىز 2024
جاڭالىقتار 3815 0 پىكىر 30 ناۋرىز, 2016 ساعات 10:53

نەمتسوۆتىڭ قىزى اقش مەملەكەتتىك حاتشىسى سىيلىعىنىڭ يەگەرى اتاندى

رەسەيلىك ساياساتكەر بوريسا نەمتسوۆتىڭ قىزى – جۋرناليست جاننا نەمتسوۆا اقش مەملەكەتتىك حاتشىسىنىڭ جىل سايىن ايەلدەرگە باتىلدىعى ءۇشىن تاپسىرىلاتىن International Women of Courage سىيلىعىن الدى.

رەسەيدەگى اقش ەلشىسى دجون تەففتىڭ مالىمدەمەسىندە نەمتسوۆا اكەسىنىڭ ءولىمىنىڭ مۇقيات جانە اشىق تەرگەلۋىن تالاپ ەتۋدە تاباندىلىق كورسەتكەنى جانە رەسەيدە ناسيحاتتىڭ قاۋىپتى ءارى جاۋاپسىز تۇردە قولدانىلاتىنىن اشكەرەلەۋدەن قورىقپاعانى وسى سىيلىققا لايىق تانىلعانى تۋرالى ايتىلادى.

بوريس نەمتسوۆ 2015 جىلى 27 اقپاندا ماسكەۋدىڭ ورتالىعىندا كىسى قولىنان قازا تاپتى. تەرگەۋ ورىندارى قىلمىستى ۇيىمداستىرۋشى ءارى تاپسىرىس بەرۋشى ەسەبىندە شەشەنستان ءىىم "سەۆەر" باتالونىنىڭ بۇرىنعى جاۋىنگەرى رۋسلانا مۋحۋدينوۆتى تانيدى. مۋحۋدينوۆتىڭ تاپسىرىس بەرۋشى ەكەنىنە نەمتسوۆتىڭ تۋىستارى مەن جاقتاستارى سەنبەيدى. ولار ونىڭ ولىمىنە شەشەنستان باسشىسى رامزان قادىروۆتىڭ قاتىسى بارلىعىنا نىق سەنىمدى.

جاننا نەمتسوۆا بىرنەشە رەت اكەسىنىڭ ءولىمى "بيلىك ەليتاسىنىڭ ماقۇلداۋىنسىز بولماعانىن" ايتتى، رەسمي تەرگەۋ بارىسىن سىنادى جانە رەسەيدىڭ اقپارات قۇرالدارىن وپپوزيتسيالىق ساياساتكەرگە كۇيە جاعۋعا باعىتتالعان ناۋقان ۇيىمداستىردى دەپ ايىپتادى. 2015 جىلدىڭ ماۋسىمىندا ول وزىنە جاسالعان بىرنەشە قورقىتۋ-ۇركىتۋلەردەن سوڭ، رەسەيدەن كوشىپ كەتتى.

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2250
عيبىرات

قايسار رۋحتى عازيز جان

مۇحتار قۇل-مۇحاممەد 3501