بەيسەنبى, 27 قاڭتار 2022
جاڭالىقتار 3263 0 پىكىر 30 ناۋرىز, 2016 ساعات 10:57

حالىقارالىق ۇيىم وزبەك تۇرمەلەرىندەگى ازاپتاۋدى توقتاتۋعا شاقىردى

Amnesty International حالىقارالىق قۇقىق قورعاۋ ۇيىمى وزبەكستان تۇرمەلەرىنە اشىق حات جولداۋ ناۋقانىن باستادى. شاراعا ارنالعان سايتتا جەلى قولدانۋشىلارىنا ۋيا 64/يز-1 (تاشتۇرمە), تاشكەنتتەگى ۇقك تەرگەۋ اباقتىسى مەن قاراقالپاقستانداعى «جاسلىق» كولونياسىنا ءۇش ەلەكتروندى اشىق حات جولداۋ ۇسىنىلعان.

ورىس جانە وزبەك تىلدەرىندە جازىلعان اشىق حاتتار تۇرمە اكىمشىلىكتەرىن ازاپتاۋى توقتاتۋعا جانە سوتتالعاندارعا ادامي جاعداي جاساۋعا شاقىرادى. شاراعا قاتىسقىسى كەلگەندەر اشىق حاتتى باسىپ شىعارىپ، حابارلاما سوڭىنا اتى-ءجونىن جازعان سوڭ وزبەكستانعا جولداي الادى.

شارانى ۇيىمداستىرۋشىلار ۇرىپ-سوعۋ، ازاپتاۋ سەكىلدى جايتتار وزبەكستاننىڭ قىلمىستىق ادىلەت جۇيەسىنە تەرەڭ تامىر جايعانىن ايتادى. دالەل رەتىندە سايتتا بۇرىن سوتتالعاندار مەن ولاردىڭ تۋىستارىنىڭ تۇرمەلەردەگى ازاپتاۋلار تۋرالى ەستەلىكتەرى كەلتىرىلگەن.

Amnesty International ەسەبىنشە، وزبەك كۇش قۇرىلىمدارىنىڭ وكىلدەرى قستالعاندارعا قىلمىستى مويىنداتۋ ءۇشىن عانا ەمەس، وزدەرىنە ۇناماعانداردى جازالاۋدىڭ جانە اقشا بوپسالاۋدىڭ قۇرالى رەتىندە قولدانادى. .

2010-2013 جىلدارى وزبەكستان سوتتارىنا قۇقىق قورعاۋ ورگاندارى قىزمەتكەرلەرنىڭ ازاپتاعانى تۋرالى 236 شاعىم تۇسكەن. الايدا نەبارى 11 ميليتسيونەر جاۋاپقا تارتىلدى.

اباي-اقپارات

0 پىكىر