جۇما, 29 ناۋرىز 2024
دەپ جاتىر 5986 0 پىكىر 30 ناۋرىز, 2016 ساعات 13:15

نازارباەۆتىڭ بايانداماسىنا ءتىلىن شىعارعان قىزدى «نۇر وتان» شاقىرتتى

وتكەن سايلاۋدان سوڭ بيلىك باسىنداعى «نۇر وتان» پارتياسى جەڭىس فورۋمىن وتكىزگەنى امبەگە ايان. بيلىكتەگى اق جاعالىلار مەن ستۋدەنتتەر جابىلىپ ءجۇرىپ، باس پارتيانىڭ جەڭىسىن استاناداعى «سارىارقا» ۆەلوترەگىندە تويلادى.


وعان مەملەكەت باسشىسىنىڭ ءوزى قاتىسىپ، حالىقتىڭ «نۇر وتان» پارتياسىنا دەگەن ەرەكشە ىقىلاسىنا ريزاشىلىعىن بىلدىرگەن بولاتىن. وسى جيىندا نۇرسۇلتان نازارباەۆ مىنبەدەن ءسوز سويلەدى.  پارتيا جەڭىسىنىڭ فورۋمىنا ارنايى شاقىرتىلعان قىزدىڭ نازارباەۆ بايانداماسى كەزىندە ءتىلىن شىعارىپ تۇرعانى باق پەن الەمجەلىدە تالقىعا تۇسكەن-ءتىن.

ەندى بۇگىن، نازارباەۆتىڭ ءسوز سويلەۋى كەزىندە ءتىلىن شىعارعان ستۋدەنتتى "نۇر وتانعا" شاقىرتىپتى. بۇل تۋرالى Nur.kz پورتالى حابارلادى.

نۇرسۇلتان نازارباەۆتىڭ ءسوز سويلەۋى كەزىندە ءتىلىن شىعارىپ، تانىمال بولعان استانالىق ستۋدەنت يننا مالتسەۆا تۇسىنىكتەمە بەرۋى ءۇشىن "نۇر وتانعا" شاقىرتىلعانىن مالىمدەدى. بۇل تۋرالى بويجەتكەن ءوزىنىڭ Instagram پاراقشاسىندا جازعان.


بۇعان دەيىن ول وعاش ارەكەتىنە تۇسىنىكتەمە بەرەتىن جازبا جاريالاعان بولاتىن.


"مەن تۋرالى جامان ويلاپ قالعانداردىڭ ءبارى مەنى سوكپەي، تۇسىنىستىكپەن قارايدى دەپ ۇمىتتەنەمىن. سەبەبى، نەگىزىنەن مەن ونداي وعاش ارەكەتتەر جاسايتىن ادام ەمەسپىن. مەن قاشان دا ءىس-شارالاردا ءوزىمدى جاقسى ۇستاي بىلەمىن جانە ءار ادام بالاسىن ۇلتىنا بولا الالاماي، سىيلاستىقپەن قارايمىن. "ەشكىمدى سوكپە، ءوزىڭ دە سوگىسكە ۇشىرامايسىڭ" دەگەن قاعيدامەن ءومىر سۇرەمىن. مەن ءۇشىن بۇل جاعداي جانە ماعان دەگەن بۇرىس كوزقاراس وتە جاعىمسىز... تاعى دا كەشىرىم سۇرايمىن. ادامي تۇرعىدان تۇسىنىستىكپەن قارايسىزدار دەگەن ۇمىتتەمىن", - دەپ جازعان بويجەتكەن.

«Abai.kz» پورتالى الداعى ۋاقىتتا نازارباەۆ بايانداماسىنا ءتىلىن شىعارعان قىزدىڭ تاعدىرى نەمەن اياقتالعانىن جازاتىن بولادى.

ايسۇلۋ تۇرسىنباەۆا

Abai.kz 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2272
عيبىرات

قايسار رۋحتى عازيز جان

مۇحتار قۇل-مۇحاممەد 3590