دۇيسەنبى, 24 قاڭتار 2022
جاڭالىقتار 3441 0 پىكىر 31 ناۋرىز, 2016 ساعات 10:22

وباما پۋتينمەن ءسوز بوستاندىعى تۋرالى اڭگىمەلەسكەن

وباما بۇل ءاڭگىمەنىڭ ەگجەي-تەگجەيىن تونەر سىيلىعىن بەرۋ قۇرمەتىنە جايىلعان سالتاناتتى داستارقان باسىندا ايتقان.

اقش پرەزيدەنتى رەسەي باسشىسىمەن بولعان اڭگىمەلەرىنىڭ بىرىندە ۆلاديمير پۋتينگە ونىمەن سالىستىرعاندا ءوزىنىڭ (وبامانىڭ) سوزدەرى جازىلعان ماقالالاردى تۇزەتپەيتىنىن ايتقان.

The Blaze باسىلىمىنىڭ جازۋىنشا، 2015 جىلعى ۇزدىك ساياسي جۋرناليستيكا يەلەرىن ماراپاتتاعان سالتاناتتى كەشتە وباما بىردە ءپۋتيننىڭ وزىنە امەريكالىق اكىمشىلىك باسشىلىعىنىڭ سىرتقى ساياساتى تۋرالى Atlantic جۋرنالىنداعى ماقالانى ەسكە سالعانىن ايتىپ بەرگەن. وبامانىڭ سوزىنشە، پۋتين ماقالاداعى بىرقاتار ويمەن كەلىسپەيتىنىن بىلدىرگەن. اقش پرەزيدەنتى ماقالانىڭ كەي تۇسى ءوزىنىڭ كوزقاراسىمەن سايكەسپەيتىنىن ايتا كەلىپ، پۋتينگە: «ۆلاديمير، ساعان قاراعاندا، مەن ماقالالار جارىققا شىعار الدىندا ولارعا تۇزەتۋلەر ەنگىزبەيمىن» - دەپ جاۋاپ قاتقان.

ول سونىمەن بىرگە امەريكالىق اقپارات قۇرالدارىنىڭ اقش پرەزيدەنتى سايلاۋ ناۋقانىن قالاي جاريالاپ جاتقانىنا دا توقتالا كەتتى. باراك وباما «ورەسكەل پىكىرلەردىڭ كوبەيگەنىنە، ورىندالمايتىن سايلاۋالدى ۋادەلەردىڭ باسىلىم بەتتەرىندە ءجيى باس تاقىرىپقا اينالاتىنىنا جانە ميتينگتەردەگى تارتىپسىزدىكتەرگە» الاڭداۋشىلىعىن ءبىلدىردى. ول جۋرناليستەردى سايلاۋالدى ناۋقانىنا بايلانىستى ماتەريالدارعا جاۋاپكەرشىلىكپەن قاراۋعا جانە جۇمىستارىندا وزدەرىنە جوعارى تالاپ قويۋعا شاقىردى.

Abai.kz

0 پىكىر