بەيسەنبى, 28 ناۋرىز 2024
ەل ءىشى... 6921 0 پىكىر 31 ناۋرىز, 2016 ساعات 12:18

«نۇر وتان» «نۇروتانشىلارعا» ارنالعان كىتاپ شىعاردى

بيلىك پارتياسىنىڭ ءوز مۇشەلەرىنە ارناپ جازعان وقۋلىعىن «الەمدە جوق قۇجات» دەپ ماقتاۋشىلار دا، «نازارباەۆ تۋرالى كوپ جازعان كىتاپ» دەپ سىناۋشىلار دا بار،-دەپ جازادى «ازاتتىق» راديوسى.

 

بۇگىن استاناداعى نازارباەۆ كىتاپحاناسىندا (رەسمي اتاۋى – قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ كىتاپحاناسى) «نۇر وتان» پارتياسى قازاقستاننىڭ ساياسي تاريحى تولقىنىندا» اتتى وقۋ قۇرالى تانىستىرىلدى.

وقۋلىقتى بيلىكتەگى «نۇر وتان» پارتياسىنا قاراستى ساياسي مەنەدجمەنت مەكتەبىنىڭ اۆتورلار ۇجىمى دايىنداعان.

«الەمدە جوق قۇجات»

«وقۋلىق قازاق جانە ورىس تىلدەرىندە جارىققا شىقتى» دەپ حابارلاعان ەدى، بىراق تانىستىرىلىم كەزىندە كوپشىلىكتىڭ الدىنا تەك ورىسشا نۇسقاسى عانا قويىلدى.

كىتاپتى دايىنداۋشىلار «نۇر وتان» مۇشەلەرىنىڭ ساياسي ءبىلىمى مەن بىلىكتىلىگىن ارتتىرۋدى ماقسات ەتكەن» وقۋلىقتا وسىدان 10 كۇن بۇرىن وتكەن پارلامەنتى ءماجىلىسى مەن جەرگىلىكتى ءماسليحاتتار سايلاۋىنىڭ قورىتىندىسى دا جازىلعانىن دا ءسوز ەتتى.

ساياسي مەنەدجمەنت مەكتەبىنىڭ ديرەكتورى جانار بۋكانوۆانىڭ ازاتتىققا ايتۋىنشا، وقۋلىق تيراجى ازىرگە بەلگىسىز: «تانىستىرىلىم ءۇشىن شىعارىلعان از داناعا ۇسىنىستار مەن وزگەرتۋلەر ەنگىزىلىپ، قايتا باسىلىپ، پارتيانىڭ جەرگىلىكتى بولىمدەرىنە جىبەرىلمەك».

وقۋلىققا رەتسەنزيا جازعان ساراپشى، قازاقستان ستراتەگيالىق زەرتتەۋلەر ينستيتۋتىنىڭ عىلىمي قىزمەتكەرى يۋري بۋلۋكتاەۆ ول جيناقتى «پايدالى كىتاپ» دەپ سيپاتتايدى.

– قاراپايىم تىلدە جازىلعان جانە ينفوگرافيكامەن بەزەندىرىلگەن بۇل كىتاپ پارتيا مۇشەلەرى مەن پارتيا مەكتەبىنە عانا ەمەس، ساياسي پارتيا قۇرىلىمىنىڭ قالىپتاسۋىنا قىزىعاتىن كوپشىلىككە دە پايدالى. جوعارعى وقۋ ورىندارىندا مىندەتتى وقۋلىق بولماسا دا، قوسىمشا وقۋ قۇرالى رەتىندە قاجەتكە جارايدى، – دەيدى ول.

گۋميلەۆ اتىنداعى ەۋرازيا ۇلتتىق ۋنيۆەرسيتەتىندەگى قازاقستان حالقى اسسامبلەياسى كافەدراسىنىڭ جەتەكشىسى اناتولي باشماكوۆ بۇل جيناققا پىكىر جازعانىن «قۇدايدىڭ سىيى» دەپ سيپاتتايدى.

– وقۋلىقتىڭ ءبىر بولىمىندە «نۇر وتان» پارتياسىنىڭ ساياسي دوكتريناسى جان-جاقتى جازىلىپتى. دوكترينا – «نۇر وتاننىڭ» ادامگەرشىلىك كامەرتونى. بۇل – بارلىق ساياسي پارتيالاردىڭ ىشىندەگى جالعىز قۇجات. الەمدىك تاجىريبەدە مۇنداي جوق، – دەيدى اناتولي باشماكوۆ.

«پارتيا ەمەس، تۇلعا تۋرالى»

قازاقستان پرەزيدەنتى جانىنداعى «قوعامدىق كەلىسىم» رەسپۋبليكالىق مەملەكەتتىك مەكەمەسى ديرەكتورى ناتاليا كالاشنيكوۆانىڭ سوزىنشە، «نۇر وتاننىڭ» ءوز مۇشەلەرىنە ارناپ شىعارعان وقۋلىعىندا كەمشىن تۇستار دا بار.

– وقۋلىقتىڭ كەيبىر ماتىندەرى كوپشىلىك ءۇشىن جەڭىلدەتىلىپ جازىلسا دۇرىس بولار ەدى. پارتيانىڭ «100 ناقتى قادام» باعدارلاماسىنا ات سالىسىپ جاتقانىن بولەك تاراۋدا كورسەتسە، مەملەكەت باسشىسى كوتەرگەن ساياسي باعدارلامالاردى كەڭىنەن اتاپ وتسە، بۇل وقۋلىق تەڭدەسسىز بولار ەدى،­ – دەيدى ول.

ناتاليا كالاشنيكوۆا وقۋلىقتا «نۇر وتاننىڭ» سايلاۋلارداعى سايلاۋالدى باعدارلامالارىنىڭ دامۋ ەۆوليۋتسياسى ساراپتالماعانىن دا ايتادى.

ال جالپىۇلتتىق سوتسيال-دەموكراتيالىق پارتياسىنىڭ (جسدپ) مۇشەسى ءۋاليحان قايساروۆ «نۇر وتان» بۇل وقۋلىقتا ءوز جەڭىسىنە كۇرەسپەن جەتكەندەي جازىپتى» دەپ نارازى بولادى.

– اكىمشىلىك، قارجىلىق كۇشتىڭ ارقاسىندا، سايلاۋداعى زاڭ بۇزۋشىلىقتارمەن جەڭگەنىن بىلەمىز عوي. سوسىن وقۋلىقتا پارتيادان گورى پرەزيدەنت نازارباەۆتىڭ ءرولى تۋرالى كوپ جازىلعان. پارتيا ەمەس، تۇلعا تۋرالى جازعان. ماقتاۋدىڭ ءبىر ءتۇرى، – دەيدى ول.

ءۋاليحان قايساروۆ «نۇر وتاننىڭ» ءوز مۇشەلەرىنە ارناپ شىعارعان وقۋلىعى ەلدەگى وزگە پارتيالار جايلى باسقاشا تۇسىنىك قالىپتاستىراتىنىن ايتادى.

– «نۇر وتاننان» باسقا پارتيانىڭ ەلگە جانى اشىمايتىنداي كورسەتىپتى. وقىعان ادام قازاقستاندا «نۇر وتاننان» باسقا بەيبىتشىلىكتى قولدايتىن پارتيا جوق ەكەن دەپ ويلاۋى مۇمكىن، – دەيدى ول.

ەل پرەزيدەنتى نۇرسۇلتان نازارباەۆ باسقاراتىن «نۇر وتان» پارتياسى 1999 جىلى قۇرىلعان. اۋەلى رەسپۋبليكالىق «وتان» ساياسي پارتياسى دەپ اتالعان. 2006 جىلدىڭ اياعىندا ونىڭ اتاۋى «نۇر وتان» حالىقتىق-دەموكراتيالىق پارتياسى دەپ وزگەرتىلگەن. 2013 جىلى پارتيا اتاۋىنان «حالىقتىق-دەموكراتيالىق» دەگەن قوسىمشا الىنىپ قالعان.

«نۇر وتان» پارتياسى، قازاقستاننىڭ ورتالىق سايلاۋ كوميسسياسى جاريالاعان مالىمەتكە قاراعاندا، بيىل 20 ناۋرىزدا مەرزىمىنەن بۇرىن وتكەن پارلامەنت ءماجىلىسى سايلاۋىندا داۋىس بەرگەندەردىڭ 82,20 پايىزىنىڭ قولداۋىنا يە بولىپ، ماجىلىستەگى 107 ورىننىڭ 84-ءىن العان.

Abai.kz 

 بيلىك پارتياسىنىڭ ءوز مۇشەلەرىنە ارناپ جازعان وقۋلىعىن «الەمدە جوق قۇجات» دەپ ماقتاۋشىلار دا، «نازارباەۆ تۋرالى كوپ جازعان كىتاپ» دەپ سىناۋشىلار دا بار،-دەپ جازادى «ازاتتىق» راديوسى.

 

بۇگىن استاناداعى نازارباەۆ كىتاپحاناسىندا (رەسمي اتاۋى – قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ كىتاپحاناسى) «نۇر وتان» پارتياسى قازاقستاننىڭ ساياسي تاريحى تولقىنىندا» اتتى وقۋ قۇرالى تانىستىرىلدى.

وقۋلىقتى بيلىكتەگى «نۇر وتان» پارتياسىنا قاراستى ساياسي مەنەدجمەنت مەكتەبىنىڭ اۆتورلار ۇجىمى دايىنداعان.

«الەمدە جوق قۇجات»

«وقۋلىق قازاق جانە ورىس تىلدەرىندە جارىققا شىقتى» دەپ حابارلاعان ەدى، بىراق تانىستىرىلىم كەزىندە كوپشىلىكتىڭ الدىنا تەك ورىسشا نۇسقاسى عانا قويىلدى.

كىتاپتى دايىنداۋشىلار «نۇر وتان» مۇشەلەرىنىڭ ساياسي ءبىلىمى مەن بىلىكتىلىگىن ارتتىرۋدى ماقسات ەتكەن» وقۋلىقتا وسىدان 10 كۇن بۇرىن وتكەن پارلامەنتى ءماجىلىسى مەن جەرگىلىكتى ءماسليحاتتار سايلاۋىنىڭ قورىتىندىسى دا جازىلعانىن دا ءسوز ەتتى.

ساياسي مەنەدجمەنت مەكتەبىنىڭ ديرەكتورى جانار بۋكانوۆانىڭ ازاتتىققا ايتۋىنشا، وقۋلىق تيراجى ازىرگە بەلگىسىز: «تانىستىرىلىم ءۇشىن شىعارىلعان از داناعا ۇسىنىستار مەن وزگەرتۋلەر ەنگىزىلىپ، قايتا باسىلىپ، پارتيانىڭ جەرگىلىكتى بولىمدەرىنە جىبەرىلمەك».

وقۋلىققا رەتسەنزيا جازعان ساراپشى، قازاقستان ستراتەگيالىق زەرتتەۋلەر ينستيتۋتىنىڭ عىلىمي قىزمەتكەرى يۋري بۋلۋكتاەۆ ول جيناقتى «پايدالى كىتاپ» دەپ سيپاتتايدى.

– قاراپايىم تىلدە جازىلعان جانە ينفوگرافيكامەن بەزەندىرىلگەن بۇل كىتاپ پارتيا مۇشەلەرى مەن پارتيا مەكتەبىنە عانا ەمەس، ساياسي پارتيا قۇرىلىمىنىڭ قالىپتاسۋىنا قىزىعاتىن كوپشىلىككە دە پايدالى. جوعارعى وقۋ ورىندارىندا مىندەتتى وقۋلىق بولماسا دا، قوسىمشا وقۋ قۇرالى رەتىندە قاجەتكە جارايدى، – دەيدى ول.

گۋميلەۆ اتىنداعى ەۋرازيا ۇلتتىق ۋنيۆەرسيتەتىندەگى قازاقستان حالقى اسسامبلەياسى كافەدراسىنىڭ جەتەكشىسى اناتولي باشماكوۆ بۇل جيناققا پىكىر جازعانىن «قۇدايدىڭ سىيى» دەپ سيپاتتايدى.

– وقۋلىقتىڭ ءبىر بولىمىندە «نۇر وتان» پارتياسىنىڭ ساياسي دوكتريناسى جان-جاقتى جازىلىپتى. دوكترينا – «نۇر وتاننىڭ» ادامگەرشىلىك كامەرتونى. بۇل – بارلىق ساياسي پارتيالاردىڭ ىشىندەگى جالعىز قۇجات. الەمدىك تاجىريبەدە مۇنداي جوق، – دەيدى اناتولي باشماكوۆ.

«پارتيا ەمەس، تۇلعا تۋرالى»

قازاقستان پرەزيدەنتى جانىنداعى «قوعامدىق كەلىسىم» رەسپۋبليكالىق مەملەكەتتىك مەكەمەسى ديرەكتورى ناتاليا كالاشنيكوۆانىڭ سوزىنشە، «نۇر وتاننىڭ» ءوز مۇشەلەرىنە ارناپ شىعارعان وقۋلىعىندا كەمشىن تۇستار دا بار.

– وقۋلىقتىڭ كەيبىر ماتىندەرى كوپشىلىك ءۇشىن جەڭىلدەتىلىپ جازىلسا دۇرىس بولار ەدى. پارتيانىڭ «100 ناقتى قادام» باعدارلاماسىنا ات سالىسىپ جاتقانىن بولەك تاراۋدا كورسەتسە، مەملەكەت باسشىسى كوتەرگەن ساياسي باعدارلامالاردى كەڭىنەن اتاپ وتسە، بۇل وقۋلىق تەڭدەسسىز بولار ەدى،­ – دەيدى ول.

ناتاليا كالاشنيكوۆا وقۋلىقتا «نۇر وتاننىڭ» سايلاۋلارداعى سايلاۋالدى باعدارلامالارىنىڭ دامۋ ەۆوليۋتسياسى ساراپتالماعانىن دا ايتادى.

ال جالپىۇلتتىق سوتسيال-دەموكراتيالىق پارتياسىنىڭ (جسدپ) مۇشەسى ءۋاليحان قايساروۆ «نۇر وتان» بۇل وقۋلىقتا ءوز جەڭىسىنە كۇرەسپەن جەتكەندەي جازىپتى» دەپ نارازى بولادى.

– اكىمشىلىك، قارجىلىق كۇشتىڭ ارقاسىندا، سايلاۋداعى زاڭ بۇزۋشىلىقتارمەن جەڭگەنىن بىلەمىز عوي. سوسىن وقۋلىقتا پارتيادان گورى پرەزيدەنت نازارباەۆتىڭ ءرولى تۋرالى كوپ جازىلعان. پارتيا ەمەس، تۇلعا تۋرالى جازعان. ماقتاۋدىڭ ءبىر ءتۇرى، – دەيدى ول.

ءۋاليحان قايساروۆ «نۇر وتاننىڭ» ءوز مۇشەلەرىنە ارناپ شىعارعان وقۋلىعى ەلدەگى وزگە پارتيالار جايلى باسقاشا تۇسىنىك قالىپتاستىراتىنىن ايتادى.

– «نۇر وتاننان» باسقا پارتيانىڭ ەلگە جانى اشىمايتىنداي كورسەتىپتى. وقىعان ادام قازاقستاندا «نۇر وتاننان» باسقا بەيبىتشىلىكتى قولدايتىن پارتيا جوق ەكەن دەپ ويلاۋى مۇمكىن، – دەيدى ول.

ەل پرەزيدەنتى نۇرسۇلتان نازارباەۆ باسقاراتىن «نۇر وتان» پارتياسى 1999 جىلى قۇرىلعان. اۋەلى رەسپۋبليكالىق «وتان» ساياسي پارتياسى دەپ اتالعان. 2006 جىلدىڭ اياعىندا ونىڭ اتاۋى «نۇر وتان» حالىقتىق-دەموكراتيالىق پارتياسى دەپ وزگەرتىلگەن. 2013 جىلى پارتيا اتاۋىنان «حالىقتىق-دەموكراتيالىق» دەگەن قوسىمشا الىنىپ قالعان.

«نۇر وتان» پارتياسى، قازاقستاننىڭ ورتالىق سايلاۋ كوميسسياسى جاريالاعان مالىمەتكە قاراعاندا، بيىل 20 ناۋرىزدا مەرزىمىنەن بۇرىن وتكەن پارلامەنت ءماجىلىسى سايلاۋىندا داۋىس بەرگەندەردىڭ 82,20 پايىزىنىڭ قولداۋىنا يە بولىپ، ماجىلىستەگى 107 ورىننىڭ 84-ءىن العان.

Abai.kz 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3510