«اناندي» وبرازىمەن قازاقستاندىقتارعا جاقىن تانىس ءۇندى اكتريساسى قايتىس بولدى. «كەلiن» تەلەحيكاياسىنىڭ باس كەيىپكەرىنىڭ ءرولىن سومداعان بولليۆۋد جۇلدىزى پراتيۋشا بانەردجي سۇيىكتىسىنىڭ ۇيىندە اسىلىپ قالعان ەدى. ء«انانديدىڭ» قازاسىنا ونىڭ سۇيىكتىسى سەبەپكەر بولۋى مۇمكىن،-دەپ جازادى قازاقپارات.

جەرگىلىكتى باق تاراتقان مالىمەتتەرگە سايكەس، پراتيۋشا بانەردجيدىڭ دەنەسىن ونىڭ سۇيىكتىسى - ءارتىس ءارى تەلەپروديۋسسەر راۋل سينگح تاپقان. بويجەتكەن شۇعىل اۋرۋحاناعا جەتكىزىلگەن، بىراق دارىگەرلەر ونىڭ قايتىپ كەتكەنىن ايتقان، دەپ جازادى peopletalk.ru.

Indian express-ءتىڭ مالىمەتىنە سەنسەك، وزىنە قول سالعان بويجەتكەن مەن ونىڭ بىرگە شاڭىراق كوتەرگەلى جۇرگەن جىگىتىنىڭ اراسىندا كەلىسپەۋشىلىك بولعان. بۇدان بولەك، پوليتسەيلەر پراتيۋشا بانەردجيمەن بايلانىسى، قانداي دا ءبىر كەلىسپەۋشىلىگى بولعان بارلىق ەر ادامداردى تەرگەيتىنىن ءمالىم ەتتى.

مارقۇم اكتريسانىڭ دوستارى ونىڭ سۇيىكتىسىمەن ءجيى ۇرسىساتىن بولعانىن، ءتىپتى كەيدە توبەلەسىپ قالاتىنىن ايتقان.

Abai.kz