ەرتە جىنىستىق قاتىناسقا ءتۇسۋ — بەلسىزدىكتىڭ بەلەڭ الۋىنا سەبەپ. وكىنىشكە قاراي، ەلىمىزدە وتباسىن قۇرعان ءاربىر بەسىنشى جۇپ وسى سىرقاتتىڭ زاردابىن تارتىپ ءجۇر دەپ جازادى Otyrar.kz.

وڭتۇستىك قازاقستان ءوبلىسىنا ىس-ساپارمەن كەلگەن ەلىمىزدىڭ باس ۋرولوگى مىرزاكەرىم الشىنباەۆ وسىلاي دەيدى. ولكەمىزگە اتباسىن بۇرعان دارىگەر جەرگىلىكتى اق حالاتتىلارمەن تاجىريبە ءبولىسىپ، اۋىر حالدەگى جەتى ناۋقاسقا وتا جاسادى.

قازاقستاننىڭ باس ۋرولوگى ارنايى مامانداردان قۇرالعان بىلىكتى دارىگەرلەردىڭ قاتىسۋىمەن ناۋقاستاردى قابىلدادى. ال، 9 ءساۋىر كۇنى دەنساۋلىعى سىر بەرگەن ەرلەر ءۇشىن وبلىستىق كلينيكالىق اۋرۋحانادا اشىق ەسىك كۇنىن وتكىزبەك. وندا ءوڭىرىمىزدىڭ كەز كەلگەن ازاماتى جوعارى دارەجەلى ماماننىڭ تەگىن قابىلداۋىنا جۇگىنە الادى.

Abai.kz