جەكسەنبى, 31 مامىر 2020
COVID-19 قازاقستاندا. جۇقتىرعاندار — 10858. جازىلعاندار — 5220. قايتىس بولعاندار — 38
بىلگەنگە مارجان 10720 0 پىكىر 8 ءساۋىر, 2016 ساعات 12:06

15 ءساۋىر قانداي كۇن؟

ماحاببات...سەگىز ءارىپ، ءبىر ارمان...يا...راسىندا دا وسى ءبىر عانا ءسوز ادام ءومىرىنىڭ مانىنە اينالاتىنىنا تاڭ قالاسىڭ.ماحابباتتى اركىم ارقالاي تۇسىنەدى...بىرەۋگە ماحاببات مۇڭ،بىرەۋگە جىر،بىرەۋگە باقىت،ەندى بىرەۋگە قايعى اكەلەدى دەيدى.مۇمكىن...ءبارى دە مۇمكىن...بىراق سول ءبىر سيقىرلى سەزىمنىڭ ءدامىن تاتپاعان ادامدى باقىتتى دەۋگە بولا ما؟مەنىڭ ويىمشا،جوق.باعزى زاماننان بەرى بۇل وتقا ورتەنبەگەن جان بالاسى كەم دە كەم شىعار.مىسالىعا الاتىن بولساق،رومەو مەن دجۋلەتتا دەپ الىسقا كەتپەي-اق ءوزىمىزدىڭ اباي مەن توعجاندى،بايان سۇلۋ مەن قوزى كورپەشتى،قىز جىبەك پەن تولەگەندى تاعى سول سياقتى تالاي عاشىقتاردى ەسكە تۇسىرۋگە بولادى.بۇلاردىڭ ماحابباتتارى ۇرپاقتان ۇرپاققا اڭىز بولىپ ءوز تابىنۋشىلارىن تابۋدا.ولاردىڭ عاشىقتىق حيكايالارىن ەستىگەندە، شىنايى ماحابباتتىڭ بار ەكەنىنە جانە ول كەز كەلگەن ادامعا قونا بەرمەيتىن باق ەكەنىنە كوزىڭ جەتەدى.

جوعارىدا ايتىپ وتكەنىمدەي ماحاببات داستاندارىن ايتا بەرسەڭ تاۋىسىپ بولمايتىنىز انىق.ەندەشە،تەك سولاردىڭ بىرەۋىنە توقتالا كەتسەم.ول،ارينە،قوزى كورپەش پەن بايان سۇلۋدىڭ حيكاياسى...

بۇل جىر سارىباي مەن قارابايدىڭ اڭ اۋلاپ ءجۇرىپ قۇدا بولىپ،قوزى مەن باياندى كۇنى بۇرىن اتاستىرۋىنان باستالادى. سول كەزدە اڭ اۋلاپ ءجۇرىپ، ۇلدى بولعانىن ەستىگەن سارىباي، بالاسىن كورە الماي قازا تابادى. اتاستىرىلىپ قويعان قوزى مەن بايان، جۇزدەرىن كورمەگەنىمەن ءبىر-بىرىنە عاشىق بولادى. ۋاقىت وتە كەلە ساراڭ قاراباي قىزىن جەتىم ۇلعا بەرگىسى كەلمەي، ءبىر كەزدە وتارىن جۇتتان قۇتقارعان، جەرگىلىكتى پالۋان قودارعا ۇزاتپاقشى بولادى. قوس عاشىقتىڭ اراسىنا توسقاۋىل بولعان قودار، ايلاسىن اسىرىپ، زۇلىمدىقپەن قوزىنىڭ باسىن الادى. قايعىدان قابىرعاسى قايىسقان بايان، ءوش الۋ ءۇشىن قۋلىققا كوشەدى. ول قودارعا وزىنە قۇدىقتان سۋ الىپ بەرسە، كۇيەۋگە شىعاتىنىن ايتادى. الدانعان قودار باياننىڭ شاشىنان ۇستاپ، قۇدىقتىڭ تۇبىنە تۇسە بەرگەندە، ايلاكەر قىز بۇرىمىن كەسىپ تاستايدى: قودار ءتۇپسىز تۇڭعيىققا قۇلاپ قازا تابادى. ءسويتىپ قوزىنىڭ كەگى قايتارىلادى. باتىر قىز عاشىعىنىڭ كۇمبەزىنە كەلىپ، وزىنە قانجار سالىپ قول جۇمسايدى...

مۇنى تەك جىر دەپ جاي جابا سالساق تا بولار ەدى. بىراق شىعىس قازاقستان وبلىسى ،اياگوز اۋدانىندا ،اياگوز وزەنىنىڭ بويىندا ورنالاسان قوزى كورپەش پەن بايان سۇلۋ مازارى قوس عاشىقتىڭ ادال ماحابباتىنىڭ دالەلى ىسپەتتەس كۇنى بۇگىنگە دەيىن ساقتالىپ كەلە جاتقانىن تىلگە تيە كەتكەن ءجون.

يا،كەرەمەت حيكايا ەكەنى راس.سول سەبەپتى دە 15 ءساۋىردى «قوزى كورپەش پەن بايان سۇلۋ كۇنى» دەپ بەكەر اتاماعان بولۋ كەرەك.سوڭعى جىلدارى جاستارىمىزدىڭ اراسىندا بۇل كۇن-عاشىقتار كۇنى بولىپ تويلانىپ كەلە جاتقانى كوڭىل قۋانتادى.بۇل مەيرام تەك كەيىنگى جىلدارى عانا كەڭ ەتەك جايا باستاعانىمەن،توقسانىنشى جىلداردىڭ سوڭىندا ءوز باستاۋىن تاپقان.ال وسى كۇندى عاشىقتار كۇنى دەپ بەلگىلەيىك دەپ باستاما كوتەرگەن وڭتۇستىك قازاقستان وبلىسىنىڭ تۋماسى سەرىك اباس-شاح ەسىمدى ۇلت جاناشىرى بولاتىن. 15 ءساۋىر تۋرالى ناقتى تاريحي دەرەكتەر جوق ەكەنى راس.ونىڭ ايتۋى بويىنشا،قازاقتىڭ دا ءوز عاشىقتار مەيرامى بولعانى دۇرىس.ال سول مەيرامدى نەگە اعاشتار بۇرشىگىن جارىپ گۇل اشقان،مىنا دۇنيەنىڭ ءبىر جاڭارعان شاعى كوكتەمدە تويلاماسقا؟Cىزدەردە ءدال وسى كۇندى بەلگىلەۋىنە نە سەبەپ،23 ناۋرىز نەمەسە 25 مامىر تويلاۋعا بولمايما دەگەن سۇراق تۋىندايتىنى انىق.يا،بۇل ساۋال ورىندى دا.سەرىك اعامىزدىڭ ايتۋىنشا،بۇل كۇن ناعىز كوكتەم شۋاعىن شاشىپ،كۇن ساۋلەسى بارلىق ادام بالاسىن نۇرىمەن جىلىندىرا باستايتىن شاعى،ياعني جاڭا باستاۋدىڭ،كوكتەمنىڭ ناق ورتاسى بولعان سوڭ وسى كۇندى تاڭداپتى.ال سوڭعى ءبىر سۇحباتىندا بۇل كۇنى ول ءوز بايانىنىڭ ماڭدايىنان ەڭ العاشقى رەت سۇيگەن كۇنى بولعاندىقتان 15 ءساۋىردى بەلگىلەۋدى ۇسىنعانىن،ەگويستىك كوزقاراستا بولعانىن ايتىپ كەشىرىم سۇراعان بولاتىن.ارينە،مۇندايدى كۇتپەگەنىمىز راس.بىراق قازاققا ءوز عاشىقتارىن بايان ەتەتىن،جۇرەگىمىزدىڭ قالاۋىنا ءوز ويىمىزدى،سەزىمىمىزدى،بويدى ورتەپ جاندىرعان ىستىق تا پاك ماحابباتىمىزدى بىلدىرۋگە بولاتىن كۇننىڭ پايدا بولعانىنا سەرىك اباس-شاح اعامىزعا العىس ءبىلدىرۋىمىز كەرەك.ويتپەسەك 14 اقپان كۇنى ءتول مەرەكەمىزگە كىرىپ كەتپەسىنە كىم كەپىل؟ەندەشە،ءبىر سايتتان وقىعان تاماشا ۇسىنىستارمەن بولىسسەم:

         1.ءدال وسى كۇنى اركىم ءوز سۇيىكتىسىنە دەگەن سەزىمىن ادەمى ءسوز،كورىكتى تىلمەن 1 مينۋت بويى توقتاماي،اقتارىلا جەتكىزسە.

         2.ءدال وسى كۇنى ءاربىر ادام ءوز سۇيىكتىسىنە ءبىر گۇل شوعىن سىيلاسىن.

        3.ءدال وسى كۇنى ءاربىر ادام ءوز سۇيىكتىسىنە جۇرەك سىرى جازىلعان شاعىن اشىقحات سىيلاسا.

        4.ءدال وسى كۇنى ءاربىر ەر ازامات ءوز سۇيىكتىسىنىڭ قۇرمەتىنە كەم دەگەندە ءبىر كوشەت وتىرعىزسا.

        5.ءدال وسى كۇنى جۇرتشىلىق قاۋىم وزدەرىنە ىڭعايلى ۋاقىتتتا،ىڭعايلى جەردە بۋىن ءبيى «قارا جورعانى» بيلەپ مەرەكەگە جالپىحالىقتىق سيپات بەرسە.

       يا،وسىلاردى ورىنداساق نۇر ۇستىنە نۇر بولاتىن ەدى.ءسوز سوڭىندا ايتارىم، ءوزىڭىزدىڭ بايانىڭىزدا تاپساڭىز نەمەسە قوزى كورپەشىڭىزدى كەزىكتىرسەڭىز ءوزىڭىزدى باقىتتى جان دەپ ەسەپتەي بەرىڭىز.ماحاببات دەگەن ۇلى سەزىمنىڭ قاقپاسىن اشقان سوڭ،جۇرەككە جول تاپقان قارىم-قاتىناستىڭ كىلتىن جوعالتىپ الماۋعا تىرىسىڭىز.

دەرەككوزى: massaget.kz

Abai.kz 

 

0 پىكىر