26 كوكەكتە شىققان شەشىم ماسكەۋدىڭ تۇبەكتەگى بيلىكتى ءبىر قولعا شوعىرلاندىرماق بولعان ارەكەتىنە قارسى تۇرعان تاتار قوعامىنا بەرىلگەن تاعى ءبىر سوققى بولدى.

بۇعان دەيىن رەسەيدىڭ ادىلەت مينيسترلىگى قىرىم تاتارلارىنىڭ مەجىلىسىن ەكسترەميستىك ۇيىمداردىڭ تىزىمىنە قوسقان. سوتتىڭ جاڭا شەشىمى جەرگىلىكتى بيلىككە گازەت رەداكتسيالارىن جابۋعا جانە قۇرال-جابدىق پەن وزگە مۇلىكتى تاركىلەۋگە مۇمكىندىك بەرەدى. تۇبەكتەگى 2,5 ميلليون تۇرعىننىڭ 12 پايىزىن قۇرايتىن مىڭداعان قىرىم تاتارلارى ەكى جىل بۇرىنعى باسقىنشىلىقتان كەيىن قىرىمدى تاستاپ كەتتى.

تاسس اگەنتتىگى باسىپ الىنعان قىرىمنىڭ پروكۋرورى ناتاليا پوكلونسكايانىڭ بۇدان بىلاي مەجىلىستىڭ كەز كەلگەن ارەكەتى ەكسترەميستىك تانىلاتىنى تۋرالى مالىمدەمەسىن تاراتتى. كەڭەس توراعاسى رەفات چۋباروۆ كيەۆتە جۋرناليستەرگە مەجىلىس پەن ونىمەن بايلانىستى ۇيىمدار تولىعىمەن ۋكراين استاناسىنا كوشەتىنىن حابارلادى.

اباي-اقپارات