بەيسەنبى, 28 ناۋرىز 2024
جاڭالىقتار 4142 0 پىكىر 28 ءساۋىر, 2016 ساعات 09:59

وزبەكستاندا ءانشىنى اشىق كيىنگەنى ءۇشىن ايىپتادى

"ۋزبەكناۆو" ەسترادالىق بىرلەستىكتىڭ باسشىلىعى ءانشى ازيزا نيازمەتوۆاعا سوگىس جاريالاپ، ساحنالىق مادەنيەت پەن سىرتقى كەلبەت مادەنيەتىنە قارسى شىقپاي، كورەرمەندەر سەزىمىن قورلاماي، ادامگەرشىلىككە ءتان ادەپتى ۇستانۋدى تالاپ ەتكەن.

ازيزا نيازمەتوۆا بۇل جايىندا الەۋمەتتىك جەلىدە ءوزىنىڭ 28 جىل بويىندا ساحنادا ءان ايتىپ كەلە جاتقانىن، تاياۋدا عانا "ۋزبەكناۆو" ەسترادالىق بىرلەستىگى باسشىلىعى جەلىگە سۋرەتىن قويعانى ءۇشىن، شاقىرتقانىن ايتادى.

- مەنىڭ الەۋمەتتىك جەلىگە جاريالاعان ءبىر سۋرەتىم شەنەۋنىكتەردى "شالقاسىنان ءتۇسىرىپتى". بۇل جەڭى جوق، گۇل ۇستاپ تۇسكەن سۋرەتىم بولاتىن. بۇل ساحنادا ەمەس، ۇيدە تۇسىرىلگەن. سۋرەتتە تەك عانا مەنىڭ يىعىم عانا اشىق كورىنەدى، - دەيدى ءانشى.

الايدا "ۋزبەكناۆونىڭ" باس ديرەكتورى فارحود دجۋراەۆ قول قويعان №248 قۇجاتتا ازيزا نيازمەتوۆا ۇلتتىق مەنتاليتەتكە، ۇلتتىق قۇندىلىقتارعا، ۇلتتىق يدەولوگيا مەن داستۇرگە سىيلاستىقپەن قاراۋى كەرەك دەلىنگەن.

الدىن ساحناعا ارقاسى اشىق كويلەك كيىپ شىققانى ءۇشىن ءانشى لولا ليتسەنزياسىنان ايىرىلعان. ەندى وزبەك شەنەۋنىكتەرى انشىلەردىڭ الەۋمەتتىك جەلىلەردەگى سۋرەتتەرىن دە تەكسەرەدى ەكەن.

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3522