«ەلدىڭ بارشا ازاماتتارىنا اسىرەسە جۋرناليستتەر مەن الەۋمەتتىك جەلى قولدانۋشىلارىنا قايىرىلا وتىرىپ، زاڭدى قاتاڭ ساقتاۋدى وتىنەمىن!»، - دەدى جاقىپ اسانوۆ nur.kz پورتالىنىڭ ساۋالىنا بەرگەن جاۋابىندا. بۇل تۋرالى nur.kz حابارلايدى.

اتالعان سايتقا بەرگەن جاۋاپتا باس پروكۋراتۋرا سوڭعى ۋاقىتتا باق جانە الەۋمەتتىك جەلىلەردە اۋىلشارۋاشىلىق ماقساتىنداعى جەرلەر شەتەلدىكتەرگە ساتىلادى دەگەن ارانداتۋشىلىق سيپاتتاعى جالعان اقپاراتتار پايدا بولعانىن جانە بۇل ارەكەت رۇقسات ەتىلمەگەن اكتسيالارعا قاتىسۋعا شاقىرۋعا ءارى ۇلتتىق، الەۋمەتتىك الاۋىزدىق تۋعىزاتىن جاريالانىمدارعا جول بەرىپ جاتقانىن ايتقان. سوندىقتان، باس پروكۋراتۋرا جەكە جانە زاڭدى تۇلعالاردى زاڭسىز ارەكەتتەردەن ساقتانۋعا شاقىرىپ، ءارى ونداي زاڭسىز ارەكەتتەر زاڭمەن جازالاناتىنىن دا ەسكەرتەدى.

باس پروكۋرور جەرگىلىكتى پروكۋرورتۋرا بولىمدەرىنە جوعارىداعىداي زاڭسىز ارەكەتتەردىڭ جولىن كەسۋدى تاپسىرعانىن ءارى قۇقىق قورعاۋ ورگاندارى جەدەل تۇردە زاڭ اياسىندا شارا قولدانۋى قاجەت ەكەنىن دە ايتقان.

Abai.kz