سااكاشۆيلي: بيلىك "ودەسسانى شايقالتپاق" بولعاندارعا كەدەرگى جاسادى
ودەسسادا 2014 جىلدىڭ 2 مامىرىندا بولعان قايعىلى وقيعا تىنىش، بىرقالىپتى اتاپ ءوتىلىپ جاتىر دەپ حابارلادى قالا گۋبەرناتورى ميحايل سااكاشۆيلي.
سااكاشۆيلي الدىن الا مالىمدەگەندەي، قالاداعى جاعدايدى "شايقالتۋ" ءۇشىن بىرنەشە كەدەرگىلەر كەلتىرمەك بولعان، وعان "كيەۆتىڭ وليگارحتارى" دا ارالاسقان. بىراق دەر كەزىندە وقيعانى الدىن العان. ساياساتكەر ودەسساعا الدىن الا كەلگەن ۇلتتىق گۆارديانىڭ جانە ۇلتتىق پوليتسيانىڭ كۇشتەرى قالادا 10 مامىرعا دەيىن قالاتىنىن ايتادى.
دۇيسەنبى كۇنى كەشكىسىن ودەسسانىڭ گرەك الاڭىندا ۋكرايندى جاقتاۋشىلاردىڭ ميتينگىسى بولعان، وعان بىرنەشە جۇزدەگەن ادام قاتىسقان. اكتسيا ەكى جىل بۇرىن بولعان قايعىلى وقيعانى جانە دونباستا قايتىس بولعان ساربازداردى ەسكە الۋ قۇرمەتىنە ۇيىمداستىرىلعان.
ەكى جىل بۇرىن ودەسسادا "ۋكراينا بىرلىگى ءۇشىن" مارشىنا قاتىسۋشىلار مەن مايدانعا قارسىلار اراسىندا قاقتىعىس ورىن الىپ، 48 ادام قايتىس بولعان. جاپپاي تارتىپسىزدىك كەزىندە كاسىپوداق ۇيىندە ءورت بولدى.
اباي-اقپارات
