ەۋروپادا بوسقىنداردى قابىلداۋدان باس تارتقان ەلگە سانكتسيا سالىنۋى مۇمكىن
Financial Times باسىلىمىنىڭ جازۋىنشا، ەۋروكوميسسيا بوسقىنداردى قابىلداۋدان باس تارتقان ەو-قا مۇشە ەلدەرگە ءار بوسقىن ءۇشىن 250 مىڭ ەۋرو كولەمىندە ايىپپۇل سالۋدى ۇسىنۋى مۇمكىن.
ەۋرووداق ەلدەرىنىڭ باسىم بولىگى ەۋروپاعا اعىلعان بوسقىندار داعدارىسىن شەشۋ ءۇشىن، ەكى جىل ىشىندە وزدەرىندە 160 مىڭ بوسقىننان ورنالاستىرۋ كۆوتاسىن ەنگىزۋگە كەلىسكەن.
الايدا سلوۆاكيا، ۆەنگريا، چەحيا، پولشا، حورۆاتيا ميگرانتتارعا قارسى كوزقاراس ۇستانادى. زاڭسىز ميگرانتتار بۇل ەلدەردىڭ اۋماعى ارقىلى گەرمانيا جانە شۆەتسيا سەكىلدى ەۋروپانىڭ تۇرمىسى جوعارى ءارى اۋقاتتىراق ەلدەرىنە ءوتۋدى كوزدەيدى.
ءبىر عانا 2015 جىلى گەرمانياعا ميلليوننان استام بوسقىن كەلگەن.
اباي-اقپارات
