جۇما, 1 ناۋرىز 2024
بيلىك 3285 0 پىكىر 7 جەلتوقسان, 2015 ساعات 15:40

وقو-عا كورەيالىق ماماندار كەلە جاتىر

شىمكەنت قالاسىنىڭ اكىمى ع.ءابدىراحىموۆ كورەيالىق «Korea Smart Card» كومپانياسى وكىلدەرىمەن كەزدەستى. ناتيجەسىندە وقو اكىمىنىڭ تاپسىرماسىنا سايكەس، قالاداعى قوعامدىق كولىكتەردە ەلەكتروندى بيلەت جۇيەسىن ەنگىزۋ تۋرالى مەموراندۋمعا قول قويىلدى. ەندى تاياۋ ارادا جول ءجۇرۋ اقىسىنىڭ تولىعىمەن اۆتوماتتى جۇيەگە ەنگىزىلۋى 100 پايىز ينۆەستورلار ەسەبىنەن جۇزەگە اسىرىلادى.


 الداعى 10 كۇن ىشىندە كورەيالىق ماماندار شىمكەنتكە كەلىپ، قوعامدىق كولىك سالاسىنا زەرتتەۋ-زەردەلەۋ جۇمىستارىن جۇرگىزەدى. بىرەر اي ىشىندە، قالاداعى قوعامدىق كولىك سالاسى تولىعىمەن ەلەكتروندى بيلەت جۇيەسىنە كوشىرىلەدى. 

«Korea Smart Card» كومپانياسى IT-كونسالتينگ سالاسى جانە اۆتوماتتى جول ءجۇرۋ بيلەتىن ساتۋ بويىنشا الەمدەگى ەڭ ۇزدىك ينۆەستيتسيالىق ۇيىم بولىپ تابىلادى.
ەستەرىڭىزگە سالا كەتەر بولساق، اتالعان جۇيە «اقىلدى قالا» جوباسى اياسىنداعى ماڭىزدى قادامداردىڭ ءبىرى. شىمكەنتتىڭ 2020 جىلدارعا دەيىنگى دامۋ تۇجىرىمداماسىن تانىستىرۋ بارىسىندا قالا اكىمى عابيدوللا ءابدىراحىموۆ قوعامدىق كولىكتەگى پروبلەمالارعا باسا نازار اۋدارعاندىعىن ايتقان بولاتىن.

 سوڭعى كەزدەرى وڭتۇستىك قازاقستان وبلىسىمەن وڭتۇستىك كورەيا اراسىندا قارىم-قاتىناس جيىلەپ كەلەدى.

قاراشا ايىندا سەۋلدە وڭتۇستىك قازاقستان وبلىسىنىڭ ينۆەستيتسيالىق مۇمكىندىكتەرى تانىستىرىلعان فورۋم ءوتىپ، وعان وڭتۇستىك كورەيانىڭ ءتۇرلى ەكونوميكالىق سەكتورلارىندا قىزمەت ەتەتىن 180 كاسىپكەر قاتىسقان بولاتىن. ناتيجەسىندە، ەكى ەل اراسىندا 11 مەموراندۋمعا قول قويىلدى.

اتاپ وتەيىك، وڭتۇستىك قازاقستان وبلىسى اكىمىنىڭ ءبىرىنشى ورىنباسارى د.ساتىبالدى باستاعان ءبىر توپ كاسىپكەرلەر وڭتۇستىك كورەيا مەملەكەتىنە جۇمىس ساپارىمەن بارعان.  فورۋمنان بولەك رەسمي كەزدەسۋلەر ءوتتى.    وندا وڭىرلىك دەڭگەيدە ءوزارا ءتيىمدى ىنتىماقتاستىق ماسەلەلەرى تالقىلانىپ، وڭتۇستىك كورەيا مەن وقو كاسىپكەرلەرىنىڭ ينۆەستيتسيالىق جوبالارىن ىسكە اسىرۋعا جاعداي جاساۋ جايى جانە كەنگيدو پروۆينتسياسىندا قۇرىلعان ينۆەستيتسيالىق حابقا وڭتۇستىك قازاقستان وبلىسىنىڭ قاتىسۋى ءسوز بولدى.

ساپار بارىسىندا دەلەگاتسيا وڭتۇستىك كورەياداعى اگروونەركاسىپ كەشەندەرى مەن ونداعى ءىرى يننوۆاتسيالىق اگروتەحنيكالىق ينستيتۋتتى، ونەركاسىپتىك جىلىجايلار مەن ەۋروپالىق ىسكەرلىك ارىپتەستىك ورتالىعىن جانە تاعى باسقا ۇيىمداردى ارالادى.

 Abai.kz

 

 

0 پىكىر

ۇزدىك ماتەريالدار