بىشكەكتەگى جىلدى قورىتىندىلاعان ءباسپاسوز كونفەرەنتسياسىندا اتامباەۆ قىرعىزستاننىڭ 400-500 شاقتى ازاماتى «يسلام مەملەكەتى» سەكىلدى تەررورلىق ۇيىمدارعا قوسىلعانىن حابارلادى.

«ەڭ قيىنى ولاردىڭ كەتكەنىندە ەمەس، وسى ىندەتتى جۇقتىرعانداردىڭ ەلگە قايتىپ كەلگەنىندە»، - دەدى پرەزيدەنت.

سونىمەن بىرگە ول: «فرانتسيا  پاريجدەگى تەررورلىق شابۋىلداردان كەيىن كونستيتۋتسياسىنا وزگەرىستەر ەنگىزىپ، تەررورشىلار جاعىنا وتكەندەردى ازاماتتىعىنان ايىرعالى جاتىر. ءبىز دە وسىنداي ادامدارعا توسقاۋىل قويۋىمىز قاجەت.قازىر كونستيتۋتسيا بويىنشا ەشكىمدى ازاماتتىعىنان ايىرا المايمىز. دەگەنمەن ۇلتتىق قاۋىپسىزدىكتى  ويلاۋعا ءتيىسپىز. يشيم-مەن عانا ەمەس، ءدىني ساۋاتسىزدىقپەن دە كۇرەسۋ كەرەك. بار پالە ساۋاتسىزدىقتان»، - دەپ ءسوزىن تۇيىندەدى.