بۇگىن الەۋمەتتىك جەلىلەردە جوعارعى سوتتىڭ قازاقستاندىق سوت جۇيەسىنىڭ دامۋى مەن سوت تورەلىگىنىڭ ساپاسىن كوتەرۋدىڭ جاڭا تاسىلدەرى جايلى بەينەبايان پايدا بولدى.

سوڭعى جىلدارى قازاقستاندىق سوت جۇيەسى بەلگىلى دامۋ ۇلگىسىن كورسەتەدى. ەكسپەرتتەر (ونىڭ ىشىندە شەتەلدىك) قىلمىستىق زاڭنامانىڭ ىزگىلەندىرۋى، سوت پروتسەسستەرىنىڭ اۋديو مەن ۆيدەوفيكساتسياسىنىڭ ەنگىزىلۋى، ءبىتىستىرۋ راسىمدەرىنىڭ كەڭەيتىلۋى، اقپاراتتىق تەحنولوگيالاردى سوتقا ەنگىزۋ، تەرگەۋ سوت ينستيتۋتىنىڭ پايدا بولۋى مەن باسقا دا جاڭا ەنگىزىلەمدەردى بەلگىلەيدى. ولار قازاقستاننىڭ ءتۇرلى ەلدەردىڭ سوت تورەلىگىن باعالايتىن حالىقارالىق رەيتينگتەردە (يندەكستەردە) وسۋىندە كورىندى.

الايدا قازاقستاندىق سوت جۇيەسىنە قويىلاتىن ءارى شەشىلۋىن تالاپ ەتەتىن سۇراقتار ءالى دە كوپ. ۇسىنىلعان بەينەباياندا جەرگىلىكتى تۇرعىنعا تۇسىنىكتى تىلدە جوعارعى سوتتىڭ الداعى ۋاقىتتا سوت تورەلىگىنىڭ ساپاسىن قالاي كوتەرەتىنى تۇسىندىرىلەدى.

بەينەبايانعا سىلتەمە:  https://www.youtube.com/watch?v=933v7raJCqw

سونىمەن قاتار، وتكەن اپتادا الەۋمەتتىك جەلىلەردە «استانا» قارجىلىق ورتالىعىنىڭ تۇجىرىمدامالىق كورىنىسى جايلى جوعارعى سوتتىڭ بەينەبايانى تالقىلاندى. ەسكە سالا كەتەيىك، 20 مامىر كۇنى «ۇلت جوسپارىنىڭ» 100 ناقتى قادامى جاريالاندى، جانە وسى ورتالىققا 4 قادام ارنالعان: 24-ءشى، 70-ءشى، 71-ءشى جانە 72-ءشى. قازاقستاندىق ەكسپەرتتىك قاۋىمداستىقتا وسى كۇنگە دەيىن قارجىلىق ورتالىقتىڭ قانداي بولعانى ءجون ەكەنى جايلى داۋ بىتپەيدى.

قازاقستاندىق سوت تورەلىكتىڭ دامۋى جايلى بەينەبايان ءتارىزدى وسى بەينەبايان دا ازاماتتارعا قولجەتىمدى تۇردە ۇسىنىلعان.

بەينەبايانعا سىلتەمە:  https://www.youtube.com/watch?v=hgkgw6o3tlQ

Abai.kz