ونەر سۇيەر قاۋىم ەسترادا جۇلدىزدارىنىڭ انىنە عانا ەمەس، كورىكتى كەلبەتىنە دە اسا ءمان بەرەدى. كوڭىلىنەن شىعىپ جاتسا، ەلىكتەۋگە تىرىسادى، ۇيقىسىز تۇندەردى باستان كەشىپ، كۋميرىنە ەسسىز عاشىق بولادى.

ءوز كەزەگىندە ەل ەركەلەرى دە ادەمى، جاس كورىنۋگە بارىن سالىپ، سۇلۋ قالپىن ساقتاپ قالۋعا تىرىسىپ جاتادى. NUR.KZ تولىقتىعىنان ارىلىپ، ادەمى مۇسىنىمەن كوزگە تۇسكەن قازاقستاندىق ارتىستەردى نازارلارىڭىزعا ۇسىنادى.

ءلايلا سۇلتانقىزى

تانىمال تەلەجۇرگىزۋشى ءلايلا سۇلتانقىزىنىڭ ءبىر كەزدەرى تولىق بويجەتكەن بولعانىن قاتارلاس جۇرگەن ارىپتەستەرى عانا بىلەدى. ال بۇگىندە تال شىبىقتاي بۇراتىلعان تەلەۆيزيا جۇلدىزىنىڭ سىمباتىنان كوز سۇرىنەدى.

جاقىندا ءلايلا سۇلتانقىزى جانكۇيەرلەرىنە الەۋمەتتىك جەلىدە كىتاپ جازىپ جاتقانىن، ديەتا تۋرالى كولەمدى ماقالا دايىنداۋ ۇستىندە ەكەنىن جاريالاعان بولاتىن.

ءمادينا سادۋاقاسوۆا

ءانشى ءمادينا سادۋاقاسوۆا دا بىردە تولىقتاپ، بىردە ارىقتاۋعا بەيىم ارتىستەردىڭ ءبىرى. بىراق، تىڭدارماندار سادۋاقاسوۆانىڭ تابيعي سۇلۋلىعىن، قىلىقتى ارۋ ەكەنىن جوققا شىعارمايدى.

ماقپال يسابەكوۆا

ماقپال يسابەكوۆا كەلبەتىن وزگەرتۋدەن ەش جالىقپايتىن ءانشى ەكەنىن ەسكەرسەك، ءارتىستىڭ بۇرىنعى قالپىنان الدەقايدا سۇلۋلانا تۇسكەنىن، ءبىراز سالماق تاستاعانىن انىق بايقاۋعا بولادى.

باعىم مۇحيتدەنوۆا

مۋزىكالىق پروديۋسەر، بايان ەسەنتاەۆانىڭ تۋعان ءسىڭلىسى باعىم مۇحيتدەنوۆا دا بۇگىنگى كەيپى جىلدار بويى اتقارىلعان ەڭبەكتىڭ جەمىسى ەكەنىن مويىندايدى.  بىراق، پروديۋسەر ءالى دە ءبىراز سالماق تاستاعىسى كەلەتىنىن جاسىرمايدى.

ينديرا راسىلحان

ءانشى ينديرا راسىلحان كوپشىلىككە سالماعىنىڭ 96 كەلىگە دەيىن بارعانىن ايتىپ تاڭعالدىرعان بولاتىن. ءارتىس مۇنىڭ سەبەبىن بالا بوسانۋىمەن بايلانىستىرادى. قازىردە ينديرا ارتىق سالماقتان ارىلىپ، بويىن شيراق ۇستايدى.

التىناي جوراباەۆا

التىناي جوراباەۆانىڭ دا تولىق كەلبەتى ەل ەسىندە. بىراق، ەل الدىندا جۇرەتىنىن ەسكەرىپ، دەنە كۇتىمىن بىردەن قولعا العان ءانشى ارتىق سالماققا جول بەرمەيدى.

قاراقات ءابىلدينا

قاراقات ءابىلدينا ءبىر ۋاقىتتا تولىپ كەتسە دە، ساحنادان الىستاپ كەتكەن ەمەس. ءانشى بيىك تالعامىنىڭ ارقاسىندا جاراسىمدى كويلەكتەرىمەن كورەرمەن كوزايىمى بولىپ جۇرەدى.

اليسا برجستاۆيتسكايا

تانىمال ءانشى، قازاقستاندىق “داۆاي پوجەنيمسيا” جوباسىنىڭ جۇرگىزۋشىسى ايگۇل باباەۆانىڭ قىزى اليسا برجستاۆيتسكايا عالامتوردا ءوزىنىڭ 50 كەلى ارتىق سالماقتى قالاي تاستاعانىن وقىرماندارمەن بولىسكەن ەدى.

بالا بوسانعان سوڭ، قاتتى سەمىرىپ كەتكەن بويجەتكەن ادامنىڭ ۇيرەنشىكتى قالپىن بۇزباۋ ءۇشىن دۇرىس تاماقتانۋدى باستى ورىنعا قويادى. سونداي-اق، سپورت ءتاننىڭ ساۋلىعىن ساقتايتىن ەڭ  ماڭىزدى نارسە ەكەنىن ايتادى.

abai.kz