سارسەنبى, 18 مامىر 2022
جاڭالىقتار 3405 1 پىكىر 29 جەلتوقسان, 2015 ساعات 09:18

يم تۋرالى فيلم تۇسىرگەن سيريالىق ءولتىرىلدى

تاياۋدا «يسلام مەملەكەتى» (يم) ەكسترەميستىك ۇيىمىنىڭ سودىرلارى جايىندا دەرەكتى فيلم تۇسىرگەن سيريالىق جۋرناليست جانە ازاماتتىق بەلسەندى نادجي دجەرف جەكسەنبى كۇنى تۇركيادا ءولتىرىلدى.

Raqqa Is Being Slaughtered Silently ءتۇسىرۋ توبى Twitter-گە دجەرفتى تۇرىك قالاسى گازيانتەپتە تاپانشامەن اتىپ كەتتى دەپ جازعان.

دجەرفكە قاستاندىق جاساعانعا دەيىن، يم تۋرالى دەرەكتى فيلمدە سيريانىڭ الەپپو قالاسىنداعى سودىرلاردىڭ قىلمىستارى جايىندا ايتىلعان. دجەرف سونىمەن بىرگە سيرياعا تارايتىن Hentah گازەتىنىڭ باس رەداكتورى بولىپ جۇمىس ىستەگەن. دجەرفتىڭ تانىسى France Presse اگەنتتىگىنە بەرگەن سۇحباتىندا كينورەجيسسەر وسى اپتادا ساياسي باسپانا سۇراۋ ءۇشىن، وتباسىمەن پاريجگە كەتۋ كەرەك بولعان دەدى.

بۇل يم-گە قارسى ازاماتتاردى تۇركيادا ءولتىرىپ جاتقان ءبىرىنشى جاعداي ەمەس. الدىن يم-گە قارسى تۇرعان سيريالىق تانىمال بەلسەندىنىڭ ءولىمىن يم وزدەرىنىڭ جاۋاپكەرشىلىگىنە العان. 

اباي-اقپارات

1 پىكىر