سارسەنبى, 18 مامىر 2022
جاڭالىقتار 3396 1 پىكىر 29 جەلتوقسان, 2015 ساعات 09:31

ساۋد ارابيادا ءۇش قازاقستاندىق ۇستالدى

قازاقستاننىڭ سىرتقى ىستەر مينيسترلىگى ساۋد ارابياسىنىڭ مەدينا قالاسىندا ءۇش قازاقستاندىقتىڭ ۇستالعانىن حابارلادى. مينيسترلىكتىڭ دەرەگىنشە، ولار ەكسترەميستىك ۇيىمدارعا قوسىلماق بولدى دەگەن كۇدىككە ىلىنگەن.

«نوۆوستي كازاحستانا» اقپارات اگەنتتىگى قازاقستاننىڭ سىرتقى ىستەر مينيسترلىگىنىڭ ءباسپاسوز حاتشىسى ءانۋار جايناقوۆتىڭ: ء «دال قازىر، جەلتوقساننىڭ 20-دا مەدينا قالاسىندا قازاقستاننىڭ ءۇش ازاماتىنىڭ ۇستالعانى تۋرالى ايتا الامىز. ولاردىڭ ءبارى مەدينا قالاسىنداعى يسلام ۋنيۆەرسيتەتىنىڭ ستۋدەنتتەرى.»، - دەگەن ءسوزىن كەلتىرەدى.

بۇعان دەيىن  ساۋديالىق Al-Jazeera گازەتىنە سىلتەمە جاساعان جەرگىلىكتى گازەتتەر قازاقستاننىڭ بەس ازاماتى ۇستالعانى تۋرالى جازعان ەدى. قازىر قازاقستاننىڭ ساۋد ارابياسىنداعى ەلشىلىگى ازاماتتاردىڭ نە ءۇشىن ۇستالعانىن انىقتاۋدا. جايناقوۆ ساۋديالىق بيلىك ورىندارىنان تاعى ەكى قازاقستاندىقتىڭ ۇستالعانى تۋرالى حابار تۇسپەگەنىن ايتتى.

اباي-اقپارات

1 پىكىر