جەكسەنبى, 5 جەلتوقسان 2021
جاڭالىقتار 3203 0 پىكىر 30 جەلتوقسان, 2015 ساعات 11:29

رەسەيدە تاجىك ازاماتى جالعان اقپارات ءۇشىن ۇستالدى

سامارا قالاسىندا «تەرروريزم اكتىسى جونىندە جالعان اقپارات بەردى» دەگەن ايىپپەن 23 جاستاعى تاجىكستان ازاماتى ۇستالعان.

رەسەيدىڭ فەدەرالدى قاۋىپسىزدىك قىزمەتىنىڭ مالىمەتى بويىنشا، تاجىك ازاماتى رەسەي ايماعىندا زاڭسىز جۇرگەن.

رەسەيلىك باق-تىڭ حابارلاۋىنشا، ۇستالعان ازامات 1992 جىلى تۋعان. سامارا قالاسىنا كەلگەنىنە ەكى اپتا بولعان. ول 112 نومىرىنە قوڭىراۋ شالىپ، «كوسموپورت ساۋدا ورتالىعى قازىر جارىلادى. وعان بومبا قويىلعان. جارتى ساعاتتان سوڭ جارىلادى. يم-نەن سالەم. جاڭا جىلدارىڭىزبان» دەگەن.

ول سول ۋاقىتتا ساۋدا ورتالىعىندا بولعان. ادامداردى كوشىرۋ جونىندە حابارلاعاننان كەيىن، بىردەن كەتىپ قالعان.

وعان رف قىلمىستىق كودەكستىڭ 207-بابىنا سايكەس ءىس قوزعالعان. ول ءۇش جىلعا دەيىن باس بوستاندىعىنان ايىرىلۋى مۇمكىن.

Abai.kz 

 

0 پىكىر