ونىڭ ايتۋىنشا، بيىل قىرعىزستانداعى بارلىق رەسەيلىك اسكەري نىسان قانت اۋە بازاسىندا شوعىرلاناتىن بىرىككەن قۇرىلىمعا باعىناتىن بولادى.

قانت اۋە بازاسى –شۋ وبلىسىنداعى رەسەي جالعا العان اسكەري اەرودروم. شۋ وزەنىنىڭ اڭعارىندا، بىشكەكتىڭ شىعىسىنداعى 20 شاقىرىم جەردە، قانت قالاسىنان ەكى شاقىرىم قاشىقتا ورنالاسقان. اەرودرومدا ااك مەن اقك 2-ءشى قولباسشىلىعىنا قارايتىن 999-شى (20022 اسكەري ءبولىمى) اۋە بازاسى ورنالاسقان. 

رەسمي دەرەك بويىنشا، قىرعىزستان اۋماعىندا رەسەي بەس اسكەري بازانى جالداپ وتىر: قانت قالاسىنداعى اۋە بازاسى، قاراقول قالاسىنداعى كەمەگە قارسى تورپەدالىق قارۋدىڭ سىناق بازاسى، قارا-بالتا قالاسىنداعى ء اتف بايلانىسىنىڭ «مارەۆو» 338-ءشى تورابى («پرومەتەي» ستانتسياسى), سونىمەن بىرگە سەيسميكالىق قىزمەتتىڭ ءبرىنشى اۆتوماتتى سەيسميكالىق ستانتسياسى مەن 17-ءشى راديوسەيسميكالىق زەرتحاناسى بار. سوڭعىلارى ىستىقكول وبلىسىنىڭ يچكە سۋ جانە جالال اباد وبلىسىنىڭ مايلۋ سۋ كەنتتەرىندە ورنالاسقان.

اباي-اقپارات