Abai. kz اقپاراتتىق پورتالى مەن قوعام بەلسەندىلەرىنىڭ ۇسىنىسىنا «اۋىل» پارتياسى قۇلاق اسىپ، دەن قويىپ جاتىر.

حالىقتىق-دەموكارتيالىق «اۋىل» پارتياسىنىڭ كەزەكتەن تىس وتكەن 12-ءشى قۇرىلتايىندا پارلامەنت ماجىلىسىنە ۇمىتكەرلەردىڭ اتى-جوندەرى اتالدى. ولاردىڭ ورتاسىندا «ادەمى اي plus» جشس-ءنىڭ جەتەكشىسى باحارگۇل تولەگەن بار. باحارگۇل حانىم – ءورىستىلدى باق جازىپ جاتقانداي ورالمان ەمەس، قىتاي حالىق رەسپۋبليكاسىنان اتاجۇرتىنا ورالعان قازاق قىزى. بۇگىندە قر ازاماتى (سۋرەتتە).

ء«بىزدىڭ پارتيادان ۇمىتكەردىڭ ءبىرى – باحارگۇل تولەگەن. ول – قحر-دان قونىس اۋدارعان قانداسىمىز. قازىر باحارگۇل ەلىمىزدەگى تابىسى كەمەل بيزنەس-لەديلەردىڭ ءبىرى»، - دەيدى «اۋىل» پارتياسىنىڭ توراعاسى ءالي بەكتاەۆ.

سونىمەن قاتار، جالپى ۇلتتىق سوتسيال دەموكراتيالىق پارتياسى دا كەزەكتى وتەتىن ءماجىلىس سايلاۋىنا ءوز ۇمىتكەرلەرىنىڭ ءتىزىمىن جاريالادى. پارتيا توراعاسى جارماحان تۇياقباي باستاعان 27 كانديتاتتىڭ قۇرامىندا قازاقستان ورالماندار بىرلەستىگىنىڭ جەتەكشىسى راحىم ايىپۇلى دا بار (سۋرەتتە).

«كوشى-قون جايىمەن الىستان كەلگەن اعايىندارىمىز ماجىلىسكە دەپۋتات بولىپ سايلانسىن، ۇمىتكەرلەر قاتارىنان تابىلسىن»، - دەپ Abai.kz اقپاراتتىق پورتالىندا بىرنەشە اشىق حاتتار جاريالاندى، ماقالالار جازىلدى. مىنە، سونىڭ ناتيجەسى!

باحارگۇل حانىم مەن راحىم ايىپۇلى دەپۋتات بولار، بالكىم بولماس. الايدا ولاردىڭ ۇمىتكەرلەر قاتارىنان تابىلۋىنىڭ ءوزى "جسدپ" مەن "اۋىلعا" ابروي اپەرىپ، اعايىن ەل ءىشىنىڭ اتالعان پارتيالارعا دەگەن سەنىمىن ارتتىرارى ءسوزسىز.

 ۇزىن-ىرعاسى 27 ۇمىتكەردەن تۇراتىن جسدپ تىزىمىندە: جسدپ توراعاسى - تۇياقباي جارماحان، «ۇلى دالا» رەسپۋبليكالىق قوعامدىق بىرلەستىگىنىڭ توراعاسى - عابيدەن جاكەەۆ،  اقىن - اكىم جانۇزاق، باسپاگەر، پۋبليتسيست - ەرمۇرات باپي،  ت.ب. قوعام بەلسەندىلەرى  بار.

Abai.kz