دۇيسەنبى, 18 قاڭتار 2021
جاڭالىقتار 2321 0 پىكىر 29 مامىر, 2009 ساعات 06:12

سىرت بەينەسىن وزگەرتكەن «پيونەرلەر» ۇيىمى تۋعان كۇنىن اتاپ ءوتتى

بىلتىر كۇزدە  الماتى قالاسىنداعى رەسپۋبليكالىق سارايدا لەنينشىل كومسومولداردىڭ 90 جىلدىق تويى اتالىپ وتىلگەندە، وعان قازاق ەلىنىڭ بىرقاتار كوشباسشىلارىنىڭ قاتىسىپ ەل-جۇرتتى ءبىر شۋلاتقانى ءالى ەستەن شىعا قويعان جوق. سولاردان ۇلگى العان بولار، الماتى وبلىستىق ءبىلىم باسقارماسى لەنيندىك پيونەردىڭ 90 جىلدىعىنا وراي 19 مامىر كۇنى تالدىقورعانداعى ءىلياس جانسۇگىروۆ اتىنداعى مادەنيەت سارايىندا ۇلكەن ءبىرى شارا ۇيىمداستىردى. ول – «ءححى عاسىردىڭ ۇلاندارى مادەنيەت پەن بەيبىتشىلىك جولىندا» بالالار مەن جاستار قوعامدىق بىرلەستىگىنىڭ وبلىستىق سلەتى دەپ اتالعانىمەن ءوتۋ ءتارتىبى ءبىر كەزدەگى جارتىلاي اسكەري ۇيىم ىسپەتتى بولعان پيونەرلەر ۇيىمىنىڭ جيىنىن كوزگە ەلەستەتتى.  وتكىزۋ ءتارتىبى تۇگەلمەن سول –  وسىدان 20-30 جىل بۇرىنعىنى بۇلجىتپاي كوز الدىمىزعا اكەلدى. ساپ تۇزەگەن جاسوسپىرىمدەر توپ جەتەكشىلەرىنىڭ بۇيرىقتارىن قالتقىسىز ورىنداپ، «بۇرىل» دەسە بۇرىلدى، «توقتا» دەسە توقتادى، «تىك تۇر» دەسە قالشيىپ تۇرا قالدى.  قۇددى ءبىر قۇرتاقانداي ادامداردان قۇرىلعان اسكەري وترياد دەرسىڭ. «توپتىڭ اتى»، «توپتىڭ ۇرانى» «بايانحات» بارلىعى-بارلىعى بالا كەزىمىزدەگى پيونەرلەر وتريادىنداعى تىرلىشىلىكتى ەسكە ءتۇسىردى.

بىلتىر كۇزدە  الماتى قالاسىنداعى رەسپۋبليكالىق سارايدا لەنينشىل كومسومولداردىڭ 90 جىلدىق تويى اتالىپ وتىلگەندە، وعان قازاق ەلىنىڭ بىرقاتار كوشباسشىلارىنىڭ قاتىسىپ ەل-جۇرتتى ءبىر شۋلاتقانى ءالى ەستەن شىعا قويعان جوق. سولاردان ۇلگى العان بولار، الماتى وبلىستىق ءبىلىم باسقارماسى لەنيندىك پيونەردىڭ 90 جىلدىعىنا وراي 19 مامىر كۇنى تالدىقورعانداعى ءىلياس جانسۇگىروۆ اتىنداعى مادەنيەت سارايىندا ۇلكەن ءبىرى شارا ۇيىمداستىردى. ول – «ءححى عاسىردىڭ ۇلاندارى مادەنيەت پەن بەيبىتشىلىك جولىندا» بالالار مەن جاستار قوعامدىق بىرلەستىگىنىڭ وبلىستىق سلەتى دەپ اتالعانىمەن ءوتۋ ءتارتىبى ءبىر كەزدەگى جارتىلاي اسكەري ۇيىم ىسپەتتى بولعان پيونەرلەر ۇيىمىنىڭ جيىنىن كوزگە ەلەستەتتى.  وتكىزۋ ءتارتىبى تۇگەلمەن سول –  وسىدان 20-30 جىل بۇرىنعىنى بۇلجىتپاي كوز الدىمىزعا اكەلدى. ساپ تۇزەگەن جاسوسپىرىمدەر توپ جەتەكشىلەرىنىڭ بۇيرىقتارىن قالتقىسىز ورىنداپ، «بۇرىل» دەسە بۇرىلدى، «توقتا» دەسە توقتادى، «تىك تۇر» دەسە قالشيىپ تۇرا قالدى.  قۇددى ءبىر قۇرتاقانداي ادامداردان قۇرىلعان اسكەري وترياد دەرسىڭ. «توپتىڭ اتى»، «توپتىڭ ۇرانى» «بايانحات» بارلىعى-بارلىعى بالا كەزىمىزدەگى پيونەرلەر وتريادىنداعى تىرلىشىلىكتى ەسكە ءتۇسىردى.
سلەتكە كەلگەندەر ءبىرىنشى كەزەكتە بالالار ۇيىمدارىنىڭ كورمەسىمەن تانىستى، سونان سوڭ سلەتتىڭ ءوزى جوعارىدا ايتىلعان تارتىپپەن باستالدى. بالالار بىرلەستىكتەرىنىڭ تۇساۋكەسەرى جاسالىپ، ساپپەن جۇرۋدەن بايقاۋ وتكىزىلدى. «قازاقستانداعى بالالار قۇقىعى قورعالادى (قورعالمايدى)» اتتى پىكىرسايىس قانا كوممۋنيستەردىڭ جول باستاۋىمەن كومسومولدار مەن پيونەرلەر سالتانات قۇرعان جىلدارداعىدان بولەكتەۋ، قالعانى سىرتقى بەينەسىن  عانا وزگەرتكەن سول باياعى «ارقاشاندا دايىنبىز!».
جالپى بۇل ءىستىڭ يگى ماقساتتا ۇيىمداستىرىلىپ وتىرعانىن جوققا شىعارۋعا بولمايدى. ءبىزدى تاڭ قالدىرعانى وسىعان باستاماشىلدىق كورسەتكەندەردىڭ ءبىر كەزدەگى پيونەرلەر ۇيىمىنىڭ بارلىق جاقسىلىقتارىمەن بىرگە اسىرا سىلتەيتىن ارتىقتاۋ تۇستارىن ەش وزگەرتپەستەن كوشىرىپ العانى جانە «ءححى عاسىردىڭ ۇلاندارى مادەنيەت پەن بەيبىتشىلىك جولىندا» بالالار مەن جاستار قوعامدىق بىرلەستىگىنىڭ العاشقى وبلىستىق سلەتىن تۋرا پيونەر ۇيىمىنىڭ توقسان جىلدىعى كۇنىنە ورايلاستىرعانى. بۇدان ءبىر كەزدەگى كوماندالىق-وكتەمدىك جۇيەنى اڭساۋدىڭ ءيىسى شىعىپ تۇرعانداي...
«ءححى عاسىردىڭ ۇلاندارى مادەنيەت پەن بەيبىتشىلىك جولىندا» بالالار مەن جاستار قوعامدىق بىرلەستىگى تۋرا وسى كۇنى قۇرىلماعان بولار. سلەت وتكىزۋ ءۇشىن باسقا داتانى تاڭداعاندا، جيىننىڭ ءمانى مەن ماڭىزى ارتا تۇسەرى ءسوزسىز ەدى. ايتپەسە، جاسوسپىرىمدەرگە جول كورسەتۋگە ءتيىستى ەرەسەكتەردىڭ بارلىعى  سلەتتى پيونەر ۇيىمىنىڭ 90 جىلدىعى دەگەندى اشىقتان-اشىق ايتىپ تۇرعانىن بايقاپ قالدىق.

 

اقيقات الماس، الماتى وبلىسى.

0 پىكىر