جۇما, 29 ناۋرىز 2024
بيلىك 5576 0 پىكىر 16 اقپان, 2016 ساعات 10:12

رەسەيلىك اعايىندىلار 700 جەرلەسىمىزدى سان سوقتىرىپ كەتكەن

تەگىن جاتقان ەشتەڭە جوق. تەگىن جاتقان جەم تەك تىشقانعا قۇرىلعان قاقپاندا عانا بولۋى مۇمكىن. الايدا، ارزان دۇنيە دەپ، الاياقتارعا الدانۋشىلار سانى ءالى دە ازايار ەمەس. ءبىر قىزىعى، الدانۋشىلاردىڭ كوبىسى كوزى اشىق، جوعارعى وقۋ ورنىن بىتىرگەن ساۋاتتى ادامدار. سوعان قاراماستان، الاياقتار قۇرعان قاقپانعا وزدەرى ءتۇسىپ، قاپى قالىپ جاتادى.

وسى ورايدا، 10 قاڭتار كۇنى الماتى قالالىق مەملەكەتتىك كىرىستەر دەپارتامەنتى ەكونوميكالىق تەرگەۋ قىزمەتىنىڭ كولەڭكەلى ەكونوميكاعا قارسى كۇرەس باسقارماسىنىڭ قىزمەتكەرلەرى تالاي ادامدى جەر سوقتىرىپ، الاياقتىقپەن اينالىسقان تاعى ءبىر ۇيىمداسقان قىلمىستى توپتىڭ جولىن كەستى. ولاردىڭ استانا، الماتى جانە باسقا دا وبلىس ورتالىقتارىندا قارجىلىق پيراميدا ۇيىمداستىرعانى اشكەرە بولدى. قىلمىستى توپتىڭ قۇرامىندا رەسەي ازاماتتارى دا بار.

اتالمىش قىلمىستى توپ 2014-2015 جىلدارى ەكىنشى دارەجەدەگى بانكتەن كرەديت العان كليەنتتەردى (نەگىزىنەن جەكە تۇلعالاردى) تارتقان. تارتۋداعى ماقسات – كرەديت الۋشىلار العان كرەديتتىڭ 30-دان 80 پايىزعا دەيىنگى مولشەرىن (قارىزداردى جاباتىن ۋاقىتىنا بايلانىستى) «فين ستاتۋس» جاۋاپكەرشىلىگى شەكتەۋلى سەرىكتەستىگىنە اۋدارعان جاعدايدا، العان كرەديتىنىڭ ۋاقىتىندا جابىلۋىنا كەپىلدىك بەرگەن. ءسويتىپ، كليەنتتەردى جاپپاي تارتقان. ال كرەديتتى جابۋ سحەماسىن جاپپاي ءتۇسىپ جاتقان اقشامەن بىرتە-بىرتە كەزەكپەن جابۋ ارقىلى الداعان. وسىلايشا، قارجىلىق پيراميدا قۇرعان. ياعني، العاشقى كەلگەن كليەنتتەردىڭ كرەديتىن ۋاقىتىندا جابۋ ارقىلى سەنىمگە كىرگەن. سودان كەيىن بۇنداي الاياقتىق سحەماعا الدانعاندار سانى ءوز-وزىنەن كوبەيە بەرگەن.

بۇگىنگى كۇنى ۇيىمداسقان قىلمىستى توپتىڭ الداۋىنا ۇرىنعان سالىمشىلاردىڭ سانى 700-دەن اسىپ كەتىپ وتىر. ال كرەديتتىك سالىمنىڭ مولشەرى جارتى ميلليارد تەڭگەگە جەتتى. بۇل اقشالار قىلمىستى توپتىڭ ەسەپ شوتتارىنا اۋدارىلىپ، سودان كەيىن قولما-قول اقشاعا اينالدىرىلىپ وتىرعان. قازىرگى ۋاقىتتا قارجىلىق پيراميدانى قۇرۋشىلاردىڭ نەگىزگى ۇيىمداستىرۋشىلارىنىڭ ءبىرى رەتىندە رەسەي ازاماتتارى اعايىندى زياتدينوۆ يلدار البەرتوۆيچ پەن زياتدينوۆ روبەرت البەرتوۆيچ سوتتىڭ سانكتسياسىمەن قاماۋعا الىندى.

قازىرگى ۋاقىتتا قارجىلىق پيراميداعا الدانعان سالىمشىلاردىڭ قاراجاتىن قايتارۋ جانە قىلمىستى توپتىڭ باسقا دا مۇشەلەرىن قۇرىقتاۋ ءۇشىن تەرگەۋ جۇمىستارى جۇرگىزىلۋدە. سونىمەن قاتار، «فين ستاتۋس» جاۋاپكەرشىلىگى شەكتەۋلى سەرىكتەستىگىمەن سىبايلاس بولعان  «فين ستاتۋس كونسالت»، «فين ستاتۋس ديزاين»، «فين ستاتۋس ينۆەست»، «مفو فين ستاتۋس زايم»، «پروفيت گرۋپپ»، «ەۆەرەست فينانس» جاۋاپكەرشىلىگى شەكتەۋلى سەرىكتەستىكتەرىنىڭ قىزمەتى  دە تەكسەرىلۋدە. سوندىقتان دا اتالمىش سەرىكتەستىكتەرمەن قوسىمشا كرەديت جابۋ جونىندە كەلىسىم جاساپ، الاياقتارعا الدانعان باسقا دا  سالىمشىلار بولاتىن بولسا،  ءتيىستى قۇجاتتارىن اكەلۋ ارقىلى الماتى قالالىق مەملەكەتتىك كىرىستەر دەپارتامەنتى ەكونوميكالىق تەرگەۋ قىزمەتىنە تومەندەگى مەكەنجاي بويىنشا حابارلاسۋلارىنا بولادى:  جىبەك جولى پروسپەكتىسى، 127(سەيفۋللين كوشەسىنىڭ قيىلىسى). تەلەفون: 279 29 56.  

الماتى قالالىق مەملەكەتتىك كىرىستەر دەپارتامەنتىنىڭ ءباسپاسوز قىزمەتى

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2277
عيبىرات

قايسار رۋحتى عازيز جان

مۇحتار قۇل-مۇحاممەد 3594