قازاقستان رەسپۋبليكاسى مادەنيەت جانە سپورت مينيسترلىگى
تىلدەردى دامىتۋ جانە قوعامدىق-ساياسي جۇمىس كوميتەتى وزگە ۇلت وكىلدەرى اراسىندا «اباي وقۋلارى» رەسپۋبليكالىق بايقاۋىن وتكىزەدى. 

وتەتىن ۋاقىتى: 2015 ج. 23 قىركۇيەك

ءىس-شارانىڭ باستالۋى: ساع: 10.00 

وتەتىن ورنى: سەمەي قالاسى، اباي اتىنداعى مەملەكەتتىك قازاق مۋزىكالى-دراما تەاترى

قاتىسۋشى قوناقتار: قر مادەنيەت جانە سپورت مينيسترلىگى، 

تىلدەردى دامىتۋ جانە قوعامدىق-ساياسي جۇمىس كوميتەتىنىڭ وكىلدەرى، قالا اكىمىنىڭ اپپاراتى مەن دەربەس بولىمدەردىڭ مەملەكەتتىك قىزمەتكەرلەرى، زيالى قاۋىم وكىلدەرى، باق وكىلدەرى، جوو وقىتۋشىلارى مەن ستۋدەنتتەرى جانە ت.ب.

بايقاۋ وزگە ۇلت وكىلدەرى جاستارى اراسىندا اباي مۇرالارىمەن ەتەنە جاقىنداستىرۋ، وتكەن كۇندەردىڭ ەلەسىن قايتا جاڭعىرتۋ ارقىلى بارشا قازاقستاندىقتاردىڭ ەلسۇيگىشتىك سەزىمىن كۇشەيتۋدى ماقسات ەتەدى.

«اباي وقۋلارى» بايقاۋىنا ەلىمىزدىڭ 14 وبلىسىنان جانە استانا، الماتى قالالارىنان وبلىستىق، قالالىق دەڭگەيدە وتكىزىلگەن بايقاۋلاردىڭ جەڭىمپازدارى (بارلىعى 16 ۇمىتكەر) قاتىسادى. بايقاۋ ەرەجەسىنە سايكەس اباي شىعارمالارىن جاتقا وقۋ، «اباي جولى» رومان-ەپوپەياسىنان ءۇزىندىنى كوركەمسوز وقۋ تالاپتارىنا ساي شەبەرلىكپەن ورىنداۋ، اباي اندەرىن نەمەسە حالىق اندەرىن شىرقاۋ ماشىقتارى بويىنشا سايىسقا تۇسەدى. بايقاۋ جەڭىمپازداردى سالتاناتتى ماراپاتتاۋ راسىمىمەن اياقتالادى.

 Abai.kz