دۇيسەنبى, 29 مامىر 2023
بيلىك 5044 0 پىكىر 28 قىركۇيەك, 2015 ساعات 02:00

وقو: ەڭبەك ينسپەكتسياسى ەسەپ بەردى

قر پرەزيدەنتi جانىنداعى ورتالىق كوممۋنيكاتسيالار قىزمەتi وقو فيليالىندا ەڭبەك ينسپەكتسياسى جونiندەگi باسقارمانىڭ 2015 جىلدىڭ 8 ايىندا اتقارعان جۇمىسىنىڭ ەسەبi تىڭدالدى.

بريفينگتە وبلىستىڭ باس مەملەكەتتiك ەڭبەك ينسپەكتورى باستاربەك ەسقاراەۆ جىل باسىنان بەرi مەكەمەلەر مەن كاسiپورىنداردا 617 تەكسەرۋ جۇرگiزiلiپ، سونىڭ ناتيجەسiندە 1659 زاڭبۇزۋشىلىق فاكتiلەرi انىقتالعانىن ايتىپ ءوتتi. وسىعان بايلانىستى ەڭبەك ينسپەكتسياسى جونiندەگi باسقارما تاراپىنان 614 نۇسقاما بەرiلiپ، جالپى سوماسى 11 356 860 تەڭگە كولەمiندە 229 ايىپپۇل سالىنىپ، 1468 زاڭبۇزۋشىلىق ارەكەتتەرi جويىلىپتى. مەملەكەتتiك ەڭبەك ينسپەكتورلارىنىڭ تالابى بويىنشا ەڭبەك زاڭناماسىن بۇزعان 21 ادام تارتiپتiك جازاعا تارتىلىپ، قۇقىق قورعاۋ ورگاندارى تاراپىنان شارا كورiلۋ ءۇشiن 69 iس ماتەريالى تيiستi ورىندارعا جولدانعان.

– قر پرەزيدەنتiنiڭ 2013 جىلعى 22 قاراشاداعى №698 جارلىعىنا سايكەس، قىركۇيەك ايىنىڭ سوڭعى جەكسەنبiسi «ەڭبەك كۇنi» مەرەكەسi بولىپ بەلگiلەندi. جالپى، ەڭبەك اتاۋلى تۇنگi كەزەكشiلiكتەگi, ۆاحتالى، بالالار ەڭبەگi بولىپ بiرنەشە تۇرگە ءبولiپ قاراستىرىلادى. سونىڭ iشiندە ايەلدەردiڭ ەڭبەگi زاڭمەن ەرەكشە قورعالادى. سونىمەن بiرگە، ەڭبەك قاتىناستارىنىڭ نە ەكەنiن كوپ ادام بiلە بەرمەيدi. ول – جۇمىس بەرۋشi مەن جۇمىسشىنىڭ اراسىندا بولاتىن قارىم-قاتىناس. بۇگiندە ەڭبەك قاتىناسىنا جاتپايتىن جاڭا بايلانىستار ءۇردiس الىپ جاتىر. بۇل – جالعا الۋ ءادiسi. ماسەلەن، جۇمىسكەر بiر نىساندى جالعا السا، ول جەردە تاپسىرىس بەرۋشi مەن جۇمىسكەردiڭ اراسىندا ەڭبەك قاتىناسى ەمەس، ازاماتتىق-قۇقىقتىق قاتىناس تۋىندايدى، – دەدi باستاربەك اۋەلحانۇلى.

وبلىستىڭ باس ينسپەكتورىنىڭ ايتۋىنشا، بالالار ەڭبەگiن قاداعالاۋ كوپ جاعدايدا بيزنەس سۋبەكتiلەرiن تەكسەرۋگە موراتوري جاريالانۋىنا بايلانىستى تاسادا قالىپ قويۋدا. دەگەنمەن، ەسەپ بەرۋشi ءدامحانا، اسحانا سەكiلدi قوعامدىق تاماقتانۋ ورىندارىندا كوبiنەسە بالالار ەڭبەگi پايدالانىلاتىنىن جاسىرمادى. وسىعان وراي، جۋىردا ەڭبەك ينسپەكتسياسى بالالاردىڭ قۇقىعىن قورعاۋ ينسپەكتسياسى، كوشi-قون پوليتسياسى جانە پروكۋراتۋرا وكiلدەرiمەن بiرلەسiپ، ارنايى رەيد ۇيىمداستىرۋدى جوسپارلاپ وتىر. سونىمەن قاتار، باستاربەك اۋەلحانۇلى جيi تۋىنداپ جاتاتىن ەڭبەك داۋلارىنىڭ نەگiزگi سەبەبi, جۇمىس بەرۋشi مەن جۇمىسكەردiڭ اراسىندا ەڭبەك شارتىنىڭ تۇزiلمەۋiنەن ەكەنiن تۇسiندiرە كەتتi.

اسiرەسە، ەلiمiزدە زەينەت جاسىنا جاقىنداپ قالعان ايەلدەردiڭ ەڭبەك قۇقىقتارى ەرەكشە قورعالاتىنىن اتاپ ءوتتi. ماسەلەن، 55 جاستان اسقان ايەلدەردi جۇمىس بەرۋشi ءوز ەركiمەن جۇمىستان قىسقارتا المايدى. زەينەتكەرلiككە شىعۋعا از قالعان ايەلدەردi قىسقارتۋعا جiبەرۋ ماسەلەسiن تەك قانا جۇمىس بەرۋشi مەن جۇمىسكەرلەر تاراپىنان قۇرالعان ارنايى كوميسسيا شەشەدi ەكەن. سونداي-اق، بەس بالاسىمەن 53 جاسىندا زەينەتكەر اتانعان مۇعالiمدەردi مەكتەپ باسشىلارى جۇمىستان بوساتىپ جiبەرۋگە قۇقىلارى جوق. «ويتكەنi, قازاقستان رەسپۋبليكاسىنىڭ زەينەتكەرلiك تۋرالى زاڭىنا سايكەس ايەلدەردiڭ زەينەتكەرلiككە شىعۋ مەرزiمi 58 جاس دەپ كورسەتiلگەن»، – دەيدi وبلىستىڭ باس مەملەكەتتiك ينسپەكتورى.

ءانۋار جۇماشباەۆ

Abai.kz

0 پىكىر