سەيسەنبى, 14 شىلدە 2020
COVID-19 قازاقستاندا. جۇقتىرعاندار — 61755. جازىلعاندار — 35911. قايتىس بولعاندار — 375
جاڭالىقتار 3844 0 پىكىر 30 قىركۇيەك, 2015 ساعات 12:34

مەككەدە قازاقستاندىق ازامات قازا بولدى

مەككەدە قاجىلىق كەزىندە قازاقستاندىق نۇرسۇلتان الپىسباەۆ قايتىس بولدى، - دەپ حابارلايدى Tengrinews.kz.

الدىن الا مالىمەت بويىنشا، ەر ادام جۇرەك تالماسىنان 25 قىركۇيەكتە كوز جۇمعان، الايدا بۇل تۋرالى بۇگىن عانا بەلگىلى بولدى. تۋىستارىنىڭ سوزىنە قاراعاندا، ەر ادام بۇعان دەيىن دە مەككەگە قاجىلىققا بارعان. "ول ادامدار سىعىلىسقان كەزدە بولماعان. بارلىق راسىمنەن ءوتىپ، ۇيگە ۇشىپ كەلۋى ءتيىس بولاتىن. بىراق ول توپتان قالىپ قويىپ، جوعالىپ كەتكەن. (...) ءۇش كۇننەن كەيىن ول مەككەدەگى ءمايىتحانادان تابىلدى. بىزگە ول جۇرەك تالماسىنان كوز جۇمعان دەپ حابارلاندى", - دەدى تۋىستارى.

الپىسباەۆتىڭ گۋميلەۆ اتىنداعى ەۋرازيالىق ۇلتتىق ۋنيۆەرسيتەتىنىڭ قىزمەتكەرى ەكەنى انىقتالىپ وتىر. ء"يا، ول مەككەدە قازا تاپتى، بىراق ونىڭ قايتىس بولۋ سەبەبى بىزگە بەلگىسىز. الپىسباەۆ 1951 جىلعى، ءبىزدىڭ وقۋ ورنىمىزدا 1980 جىلدان بەرى قىزمەت ەتكەن. ونىڭ سوڭعى قىزمەتى: الەۋمەتتىك عىلىم فاكۋلتەتىنىڭ دەنەشىنىقتىرۋ كافەدراسىنىڭ اعا وقىتۋشىسى. ءبىز ولاردىڭ تۋىستارىنا كوڭىل ايتامىز", - دەدى ۋنيۆەرسيتەتتىڭ ءباسپاسوز قىزمەتىندەگىلەر.

سونىمەن قاتار، قازاقستان ءسىم-نەن بۇل جاعدايعا قاتىستى تۇسىنىك الۋ مۇمكىن بولمادى. ونىڭ تۋىستارىنىڭ ايتۋىنشا، قازاقستاندىقتىڭ دەنەسىن ەلگە اكەلۋ ماسەلەسى ازىرشە شەشىلگەن جوق.

بۇعان دەيىن مەككەگە جاقىن جەردەگى اۋرۋحانادا 24 قىركۇيەكتە قازاقستاننىڭ ازاماتشاسى كوز جۇمدى، ول 78 جاستاعى زەينەتكەر.

اباي-اقپارات

0 پىكىر