ىقىۇ استانادان بۇعاتتالعان سايتتاردى اشۋىن سۇرايدى. 

ءسوز بوستاندىعى جونىندەگى ىقىۇ وكىلى دۋنيا مياتوۆيچ قازاقستان بيلىگىن Ratel.kz جانە Zonakz.net سايتتارىنا كىرۋدى قالپىنا كەلتىرۋگە شاقىردى.     

ول سايتتاردى بۇعاتتاۋ، ازاماتتاردىڭ اقپارات الۋ ەركىندىگىن بۇزىپ، ءسوز بوستاندىعىن شەكتەيدى دەپ مالىمدەدى.

دۋنيا مياتوۆيچ ءوزىنىڭ سىرتقى ىستەر ءمينيسترى ەرلان ىدىرىسوۆقا جولداعان اشىق حاتىندا Adam جۋرنالى مەن Nakanune.kz سايتىنىڭ باسىنداعى جاعدايعا دا اراشا ءتۇسىپ، الاڭدايتىنىن ءبىلدىردى.

Adam جۋرنالى رەداكتسياسىنان سوت شەشىمى ارقىلى ۇلكەن كولەمدە سوما وندىرىلمەك. وندا ۇقك گەنەرال-مايورىنىڭ ار-نامىسىن قورعاۋ تۋرالى تالاپ-ارىزىنا قاتىستى 50 ميلليون تەڭگە وتەماقى تولەۋ مىندەتتەلگەن.

ال Nakanune.kz سايتىنا "قازكوممەرتسبانكتىڭ" تالاپ-ارىزى بويىنشا سوت ارىزدانۋشىعا 20 ملن تەڭگە تولەۋ جونىندە شەشىم شىعارعان.

اباي-اقپارات