استانادا جۇما كۇنى (02.10.2015 ج) سيرياداعى قاقتىعىسقا قاتىستى توپتاردىڭ ءوز ىشىندەگى كەلىسسوزىنىڭ ەكىنشى كەزەڭى باستالادى.

قازاقستان سىرتقى ىستەر مينيسترلىگىنىڭ ءباسپاسوز قىزمەتىنىڭ جەتەكشىسى ءانۋار جايناقوۆ "ازاتتىققا" كەلىسسوز جابىق تۇردە وتەتىنىن جانە ول 4 قازانعا دەيىن سوزىلادى دەپ جوسپارلانىپ وتىرعانىن ايتتى.

"كەلىسسوزدىڭ اشىلۋى اشىق وتەدى.  وندا قازاقستان مەملەكەتتىك حاتشىسى گۇلشارا ابدىحالىقوۆا سويلەيدى. ال كەلىسسوزدىڭ ءوزى جابىق وتەدى" دەدى جايناقوۆ. ول كەلىسسوزگە ناقتى قانداي توپتار كەلگەنى، قانداي ماسەلە تالقىلاناتىنى تۋرالى اقپارات جوعىن ايتتى.

سيريا كەلىسسوزىنىڭ العاشقى كەزەڭى دە استانادا مامىردىڭ سوڭىندا وتكەن.

اباي-اقپارات