جەكسەنبى, 5 ءساۋىر 2020
COVID-19 قازاقستاندا. جۇقتىرعاندار — 531. جازىلعاندار — 36. قايتىس بولعاندار — 5
ءبىزدىڭ شەنەۋنىك 6392 0 پىكىر 4 قازان, 2015 ساعات 17:27

"باي بالا" - ب.بايبەك

جاقىندا عانا الماتى قالاسىنىڭ اكىمى قىزمەتىنە تاعايىندالعان باۋىرجان بايبەكتىڭ جەكە مەنشىگىنە نەلەر تيەسىلى ەكەنىن «total.kz» سايتى ەسەپتەپ شىعىپتى.

كوبىنەسە قازاقستانداعى اۋقاتتى جانۇيادان شىققاندار باق-تىڭ نازارىندا بولاتىنى قالىپتاسقان قاعيداعا اينالىپ ۇلگەرگەندەي.  اسىرەسە، VIP-تۇلعالار باق-تىڭ نازارىنان قاشقاقتاپ جۇرەتىنىمەن، اتاق-داڭق ولارعا مۇرشا بەرمەيتىنى انىق. نەگىزىنەن جۋرناليستيكالىق جانە ادامي ەتيكاعا سايكەس بىرەۋدىڭ قالتاسىنداعى قاراجاتتى ساناۋ ەرسى بولعانىمەن،  قىزىعۋشىلىق قۇرعىر نە ىستەتپەيدى.  ەگەر ءسىز بەن ءبىزدىڭ نىساناعا العانىمىز بيلىكتىڭ بيىك مىنبەرىندە جۇرگەن ازامات بولسا تىپتەن...

سونىمەن، بۇگىنگى نىسان – الماتىنىڭ جاپ-جاڭا اكىمى باۋىرجان بايبەك جانە ونىڭ وتباسى.

ساياساتتانۋ عىلىمدارىنىڭ كانديداتى. مەملەكەت باسشىسىنىڭ قۇرمەت گراموتالارىمەن بىرنەشە مارتە ماراپاتتالعان. قۇرمەت جانە پاراسات وردەندەرىنىڭ يەگەرى. مۇنىڭ سىرتىندا باۋىرجان بايبەك  مىرزا – «بولاشاق» باعدارلاماسى ستەپەنديانتتارىنىڭ حالىقارالىق اسسوتسياتسياسىنىڭ مۇشەسى.

سونىمەن، بايبەك مىرزانىڭ بايلىعى قانشا؟

2015 جىلدىڭ ءساۋىر ايىندا باۋىرجان بايبەك مىرزانىڭ اتىنا   «Aray Consulting Group» كومپانياسى تىركەلگەن. ازىرگە ونىڭ جالعىز تىزگىنىن باۋىرجان مىرزانىڭ ءوزى ۇستاپ وتىر. كومپانيا استانا قالاسىندا جىلجىمايتىن مۇلىكتەردى جالعا بەرۋمەن  اينالىسادى. رەسمي قۇجاتتاردا كومپانيانىڭ ءبىرىنشى جەتەكشىسى – 28 جاستاعى ماقسات راحمانقۇلوۆ دەپ كورسەتىلگەن ەكەن. 

 

بايبەكتىڭ جارى – جانار راحمەتوۆا 1973 جىلى اتىراۋ وبلىسىندا دۇنيەگە كەلگەن. اكىم مەن ونىڭ جارى – گەرمانيادا تانىسقان جانە سوندا وتاۋ قۇرعان.

باۋىرجان بايبەكتىڭ جارى – «بولاشاق كونسالتينگتىك توبى جەتەكشىلەرىنىڭ» ءبىرى. كومپانيا 2010 جىلدان بەرى قاراي بەلسەندى جۇمىس ىستەپ كەلەدى. نەگىزگى عيماراتتارى – استانا قالاسىندا ورنالاسقان.  ەندى قارجىلىق تولەمدەر ماسەلەسىنە كەلەر بولساق، سوڭعى 5 جىلدا جشس مەملەكەت قازىناسىنا سالىق رەتىندە – 385 538 6 مىڭ تەڭگە اۋدىرعان.  مىسالى، 2013 جىلمەن سالىستىرعاندا بىلتىرعى جىلى اۋدارىلعان سالىق 13 ەسەگە ارتىپ، 25 655 تەڭگەدەن 341 973 2 مىڭ تەڭگەگە ارتقان. ال بيىلعى جىلى كومپانيا قازىناعا 255 871 مىڭ تەڭگە سالىق تولەگەن.

بايبەك مىرزانىڭ اتا-اناسى قاراپايىم زەينەتكەرلەر. ونىڭ اكەسى قادىرعالي مۇقامەتامىرۇلى ەلباسىنىڭ سىنىپتاسى ەكەنى تۋرالى وسىعان دەيىن قازاقستاندىق باق-تا جازىلعان بولاتىن.  زەينەتكە دەيىن قادىرعالي اقساقال جولاۋشىلار تاسىمالى سالاسىندا ەڭبەك ەتكەن.  ال اناسى – التىناي كۇنعاليقىزى اتىراۋ وبلىسىنىنڭ تۋماسى. 

ەسكەرە كەتەيىك، باۋىرجان قادىرعاليۇلىنىڭ اتا-اناسى 2013 جىلدان باستاپ كاسىپكەرلىكپەن اينالىسادى.  اكەسىنىڭ اتىندا جشس: «بتس «نۇر تاۋ» ي «WoodArt» تىركەلگەن. ءبىرىنشىسى، 2013 جىلى استانا قالاسىندا اشىلسا، ءدال وسى عيماراتتىڭ جانىندا «نۇر تاۋ» بينەس ورتالىعى ورنالاسقان. بينەس ورتالىقتا 6 قىزمەتتىك ءبولىم، 3 ساۋدا ورتالىعى، كافە، كونفەنتس-زال جانە جاتتىعىۋ زالى ورنالاسقان.  

ەكىنشى كومپانيا بيىل قۇرىلعان.  ال باۋىرجان بايبەكتىڭ اناسىنىڭ كاپيتالىندا جشس  «Ecovillage» كومپانياسى 2014 جىلى تىركەلگەن. كومپانيا قۇرىلىس سالاسىندا قىزمەتتەر كورسەتۋمەن اينالىسادى. سونداي-اق، جشس «نۇرلى-بي» كومپانياسى قىزى – ايگۇل بايبەككە تيەسىلى بولىپ شىقتى. بۇل كومپانيا 2013-2014 جىلدارى مەملەكەتتىك قازىناعا سالىق رەتىندە – 11 846 6 مىڭ تەڭگە تولەگەن. ايتپاقشى، بايبەك باۋىرجان مىرزانىڭ قارىنداسى – ەتنوگراف، ونەرتانۋ عىلىمىنىڭ كانديداتى. ەكى بىردەي«Aray Fine Dining Group» (رەستوران بيزنەسى) جانە «Aray Media Group». جشس-ءنىڭ جالعىز يەسى.

سونىمەن قاتار، اكىمنىڭ اپكەسى «Rosinka Bio»  كومپانياسىنىڭ ۇلەسكەرى بولىپ شىققان.

(بارلىق اقپاراتتار اشىق جانە رەسمي دەرەككوزدەرىنەن الىنعان)

اۋدارعان نۇرگەلدى ابدىعانيۇلى

«قامشى» سىلتەيدى

ءتۇپ-نۇسقاداعى تاقىرىپ: باي قالانىڭ باي اكىمى

0 پىكىر