جۇما, 29 ناۋرىز 2024
46 - ءسوز 6437 0 پىكىر 4 قازان, 2015 ساعات 18:15

بۇ قارتتاردا ىنساپ جوق

نەگىزى ول بىلاي بولعان عوي. ۇكىمەت قارتتارعا ەكى جارىم ملن تەڭگە، ءار زەينەتكەرگە 9 مىڭ تەڭگەدەن قاراجات بولەدى.

سوسىن ونى قالاي ۇلەستىرەمىز دەپ باس قاتىرىپ وتىرعاندا، سوتكى شۇقىلاپ وتىرعان ءبىر شەنەۋنىك فب-دا بەيبىت سارىبايدىڭ كارتۇشكە جايلى پوستىن وقىپ قالادى. «وپپانا، كارتوشكا!» - دەيدى، اقىل تاۋىپ كەتىپ. 
ءسويتىپ ۇكىمەت قارتتار مەرەكەسىنە بەرىلەتىن سىيلىقتى كارتوشكا كۇيىندە تاراتۋدى ۇيعارادى. ەسەپتەي كەلسە ءار زەينەتكەرگە 5 مۇشەكتەن كەلەدى ەكەن. «تىم كوپتەۋ ەمەس پە؟» - دەيدى ۇكىمەت مۇشەلەرىنىڭ ءبىرى. «تاڭ ەرتەڭ جىلىتپا، تۇستە قۋىرماش، كەشكىسىن كەسپەگە ساپ جەگەن كۇننىڭ وزىندە ارتىلىپ قالادى. داعدارىس كەزىندە بوسقا ءشىرىتىپ الماي ما» - دەپ، ءار زەينەتكەردەن ەكى مۇشەكتەن كارتوشكەدەن الىپ قالۋ قاجەت دەگەن پىكىر ايتادى. بۇل پىكىر كابينەت تاراپىنان قولداۋ تاۋىپ، قىزمەتتىك شوپىرلار شاقىرىلادى. ۇكمەت مۇشەلەرىنىڭ، ولاردىڭ تۋعان-تۋىستارىنىڭ ۇيلەرىنە ءتورت-بەس مۇشەكتەن كارتوشكا جەتكىزىپ، ونى بالكوندارىنا دەيىن شىعارىپ بەرۋ تاپسىرىلادى.
سودان نە كەرەك، ءار زەينەتكەرگە ءۇش مۇشەك كارتوشكەدەن ۇلەستىرۋ ماسەلەسى الەۋمەتتىك قورعاۋ مينيسترلىگىنىڭ ەنشىسىنە قالادى. مينيسترلىك ءوز ىشىنەن كىشىگىرىم جينالىس وتكىزىپ، ء«ۇش مۇشەك كارتوشكە دە كوپ» دەگەن شەشىمگە كەلەدى. ءبىر مۇشەگى تاعى قىسقارىپ، ءار زەينەتكەرگە ەكى مۇشەكتەن كەلەتىن كارتوشكە وبلىس اكىمدىگىنە جول تارتادى. 
اكىمدىك جينالىسسىز جۇمىس جاسامايدى: 
«ەگەر زەينەتكەر ۇكىمەتتەن بەرىلگەن كارتوشكەنى نەمەرە-شوبەرە، كەلىن-كەپشىككە بەرمەي، ءوزى عانا ەزىپ جەيتىن بولسا ەكى مۇشەكتى دە ءبىر قىسقا ويلانباي جەتكىزۋگە بولادى. ءتىپتى پالاۋعا قوسقاننىڭ وزىندە ارتىلىپ، بوسقا ءشىرىپ كەتۋى مۇمكىن» - دەيدى جەرگىلىكتى بيلىك وكىلى. قىسقاسى، ءار زەينەتكەرگە ەكى مۇشەكتەن تاراتۋعا شەشىم قابىلدانادى. ونى تاراتىپ بەرۋ دە وڭاي شارۋا ەمەس، نەگىزگى جۇمىستى اتقاراتىن ادامداردىڭ ۇلەسى بار، ۇساق-تۇيەك باكەڭ، ماكەڭدەر بار، قىزمەتكەرلەر، شوپىرلار بار. 
قىسقاسى، سوڭىندا زەينەتكەردىڭ ۇيىنە تۋرا بەس كەلى كارتوشكە كەتىپ بارا جاتادى. ەسىگىنىڭ ءدال الدىنا كەلگەندە ۇلەستىرۋشى جىگىتكە ءبىر وي كەلەدى: «بەس كەلى كارتوشكەڭ ءبىر تاماققا كوپ، ەكى تاماققا از. قوي، مۇنى تۇپ-تۋرا قىلىپ بەرەيىن» دەپ ارقايسىسىنان 700 گرامنان الىپ قالىپ، 4 كەلى ءۇش ءجۇز گرامنان ۇلەستىرىپ بەرەدى.

بىراق بۇ قارتتاردا ىنساپ جوق. 4 كەلى 300 گرامنان كارتوشكە تاراتتىڭدار دەپ داۋلاپ جاتقان كورىنەدى. تاراتپاي قويسا قايتەر ەدى؟

ساكەن نۇرقابەكۇلى

Facebook-تەگى پاراقشاسىنان

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3611