ەلىمىزدە بالالارعا ارنالعان «بالابەك» اتتى جاڭا جۋرنال جارىق كوردى، - دەپ حابارلايدى "الاش ايناسى" باسىلىمى.

بۇل جۋرنال ەندى ءتۇرلى-ءتۇستى سۋرەتتەرمەن كوركەمدەلىپ، اي سايىن شىعاتىن بولادى. باسىلىم 6-11 جاس ارالىعىنداعى جەتكىنشەكتەرگە ارنالعان.

باسىلىمنىڭ ماقساتى – ۇلتىنىڭ ۋىزىنا جارىعان ۇرپاق تاربيەلەۋگە ۇلەس قوسۋ. جۋرنالدا بالالاردىڭ بىلىمىنە ءبىلىم قوساتىن، تانىم كوكجيەگىەن كەڭەيتەتىن، ولاردىڭ وتانشىل، رۋحتى، زياتكەر بولىپ وسۋىنە ىقپال ەتەتىن تاعىلىمدى ايدارلار از ەمەس. «استانا – وتانىمىزدىڭ جۇرەگى» – پاتريوتتىق تاقىرىپ. «مەنىڭ ەلىم» – ايماقتار شەجىرەسى. «قورىقشى اتايدىڭ اڭگىمەسى» – تۋعان جەردىڭ تابيعاتى جايلى. «بالابەكتىڭ» ساياحاتى» – جەر-جيھاندى ارالاتادى. «وسى راس پا؟»، ء«تورت تۇلىك»، «سەن بىلەسىڭ بە؟»، «جەرىمىزدەگى جەتى كەرەمەت» سەكىلدى توپتامالار بالانىڭ قيالىن شالقىتادى، وي-ءورىسىن دامىتادى.

تۇساۋىن قىركۇيەك ايىندا كەسكەندىكتەن، «بالابەك» جۋرنالى «قازپوشتانىڭ» كاتالوگىنا كىرە الماپتى. بىراق قوسىمشا تىزىمگە ەنگىزىلگەن. الماتىداعى 1 جىلعا جازىلۋ باعاسى – 2704 تەڭگە 68 تيىن، باسقا قالالار ءۇشىن – 2737 تەڭگە 20 تيىن، اۋىلعا ارنالعانى – 2780 تەڭگە 64 تيىن. جازىلۋ يندەكسى – 74878, تەلەفوندارى: 8 (727) 394-36-46, 268-97-83, 87059883177. 

وزگە جۇرتتىڭ «مۋرزيلكا»، «ۆوللي»، «نەپوسەدا» جۋرنالدارى سەكىلدى قازاق باسىلىمنىڭ دا ءوز كەيىپكەرى بار. باسىنا تاقيا كيگەن سۇيكىمدى بالابەك مىڭداعان قاراكوز ءبۇلدىرشىننىڭ اقىلشىسىنا، سىرلاسىنا اينالادى دەگەن ۇمىتتەمىز. 

Abai.kz