بەيسەنبى, 28 ناۋرىز 2024
بيلىك 3496 0 پىكىر 12 قازان, 2015 ساعات 11:48

ورتاق وقۋلىقتى مينيسترلىك بەكىتەدى

2017 جىلدىڭ 1 قاڭتارىنان باستاپ باستاۋىش سىنىپتار ءۇشىن بىرىڭعاي بازالىق وقۋلىقتى ۋاكىلەتتى ورگان – ءبىلىم جانە عىلىم مينيسترلىگى ايقىندايدى جانە بەكىتەدى، - دەپ مالىمدەدى ءبىلىم جانە عىلىم ءمينيسترى اسلان ءسارىنجىپوۆ 7 قازاندا ءماجىلىس دەپۋتاتتارى «قر-نىڭ كەيبىر زاڭنامالىق اكتىلەرىنە ءبىلىم بەرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ەكىنشى وقىلىمدا ماقۇلداعاننان كەيىن.

مينيستر ءوز سوزىندە مەملەكەتتىك كوميسسيا ءاربىر ءپان بويىنشا ورتاق وقۋلىقتى تاڭداي الاتىنىن، ول ەلىمىز ءۇشىن بىرىڭعاي وقۋلىق بولىپ سانالاتىنىن حابارلادى. ۋاكىلەتتى ورگان وتاندىق باسپالار شىعارعان وقۋلىقتاردىڭ ىشىنەن ەڭ ۇزدىگىن تاڭداپ الادى. قالعان وقۋلىقتاردى مۇعالىمدەر مەن اتا-انالار، مەكتەپتەر وزدەرىنىڭ قالاۋى بويىنشا قوسىمشا وقۋلىق ەسەبىندە پايدالانادى. 

وسى زاڭ جوباسىنا ءبىلىم بەرۋ ماسەلەلەرى كەڭىنەن تالقىلانعان پارلامەنتتىك تىڭداۋدىڭ، ۇكىمەت ساعاتتارىنىڭ ۇسىنىستارى بايلانىستى نورمالار دا ەنگىزىلدى. تارقاتىپ ايتساق، 2017 جىلدىڭ 1 قاڭتارىنان باستاپ – باستاۋىش سىنىپتار ءۇشىن; 2020 جىلدىڭ 1 قاڭتارىنان باستاپ – نەگىزگى ورتا ءبىلىم بەرۋ ۇيىمدارى ءۇشىن; 2022 جىلدىڭ 1 قاڭتارىنان باستاپ – جالپى ورتا ءبىلىم بەرۋ ۇيىمدارى ءۇشىن بىرىڭعاي بازالىق وقۋلىقتى ايقىنداۋ جانە بەكىتۋ ءبىلىم جانە عىلىم مينيسترلىگىنىڭ قۇزىرەتىنە بەرىلەدى. زاڭ جوباسى ارقىلى ەنگىزىلگەن وزگەرىستەردى تۇسىندىرگەن ءماجىلىس دەپۋتاتى گۇلميرا يسيمباەۆا وقۋشىلاردى وقۋلىقتارمەن جانە وقۋ-ادىستەمەلىك كەشەندەرمەن دەر ۋاقىتىندا قامتاماسىز ەتۋ ماقساتىندا ناقتى مەرزىم بەلگىلەنگەنىن حابارلادى. بۇدان بىلاي وقۋلىقتار مەن وقۋ-ادىستەمەلىك كەشەندەر جىل سايىن 1 تامىزعا دەيىن ساتىپ الانىپ، ءبىلىم بەرۋ ۇيىمدارىنا جەتكىزىلۋگە مىندەتتى.

دەپۋتاتتار زاڭدىق قۇجاتتا پەداگوگ مامانداردى جۇمىسقا قابىلداۋ كەزىندەگى قويىلاتىن نەگىزگى تالاپتاردى ناقتىلاعان. ماسەلەن، مەديتسينالىق قارسى كورسەتىلىمى بار، پسيحياتريالىق جانە ناركولوگيالىق ديسپانسەردە ەسەپتە تۇراتىن ادامدار پەداگوگتىق قىززمەتپەن اينالىسۋعا جىبەرىلمەيدى. سونىمەن قاتار، مەكتەپكە دەيىنگى ءبىلىم بەرەتىن جانە ورتا ءبىلىم بەرەتىن ۇيىمداردا تاربيەلەنىپ جانە ءبىلىم الىپ جاتقان بالالاردى تاماقتاندىرۋدى ۇيىمداستىرۋ كەزىندە كورسەتىلەتىن قىزمەتتەردى، تاۋارلاردى «مەملەكەتتىك ساتىپ الۋ تۋرالى» زاڭنىڭ نورمالارىن قولدانباي ساتىپ الۋ تۋرالى نورما ەنگىزىلگەن.

اسلان ءسارىنجىپوۆ وتاندىق ءبىلىم بەرۋ سالاسىنا ەنگىزىلەتىنىن ەكى وزگەرىستى اتاپ ايتتى. بىرىنشىدەن، مىڭداعان جاستاردى ماماندىقپەن قامتاماسىز ەتۋ ماقساتىندا العاشقى تەحنيكالىق جانە كاسىپتىك ءبىلىم تەگىن بەرىلەدى. ياعني، 9-ءشى جانە 11-ءشى سىنىپتىڭ تۇلەكتەرى كوللەدجگە ءتۇسىپ، ءبىرىنشى ماماندىعىن مەملەكەت ەسەبىنەن تەگىن الا الادى. سونداي-اق، ورتا ءبىلىم العاننان كەيىن ءبىلىم بەرۋ ۇيىمدارىندا جۇمىس ىستەپ، ەڭبەك ءوتىلىن جيناعاندار، تەحنيكالىق جانە كاسىپتىك كوللەدجدەردى بىتىرگەندەر جوعارى وقۋ ورىندارىنا تۇسەتىنە كەزدە باسىم قۇقىققا يە بولادى. ەكىنشىدەن، «دۋالدى وقىتۋ» دەگەن ۇعىم زاڭدى تۇرعىدان بەكىتىلەدى. دۋالدى وقىتۋ نىسانى بويىنشا ءبىلىم بەرۋ باعدارلاماسى ءۇشىن كاسىپورىندا ىسكە اسىرىلاتىن وقۋ ۇدەرىسىنىڭ ۇلەسى وندىرىستىك وقىتۋ مەن پراكتيكانىڭ 60 پايىزىنان كەم بولماۋى ءتيىس دەپ بەلگىلەنگەن. ءمينيستردىڭ پىكىرىنشە، مۇنداي وزگەرىس ارنايى تەحنيكالىق ءبىلىم بەرۋ جۇيەسىن قارقىندى دامىتۋعا سەپتىگىن تيگىزەدى.

ءامىرلان ءالىمجان

Abai.kz

 

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3521