جۇما, 29 ناۋرىز 2024
بيلىك 3088 0 پىكىر 15 قازان, 2015 ساعات 11:15

«قازاتومونەركاسIپ» شىمكەنتكە كوشIپ جاتىر

ۇلتتىق اتوم كومپانياسىنىڭ ەنشiلەس كاسiپورىندارىنىڭ كەڭسەلەرi شىمكەنتكە كوشiرiلە باستادى، - دەپ حابارلايدى "وڭتۇستىك قازاقستان" گازەتى.

بۇل تۋرالى ءوڭiر باسشىسى بەيبiت اتامقۇلوۆ پەن وڭتۇستiك قازاقستان وبلىسىنا iسساپارمەن كەلگەن «قازاتومونەركاسiپ» ۇاك» اق باسقارما توراعاسى اسقار جۇماعاليەۆتiڭ ەكiجاقتى كەزدەسۋi بارىسىندا ءمالiم ەتكەن.

ەڭ اۋەلi «قازاتومونەركاسiپكە» قاراستى ءوندiرۋشi كومپانيالار كەڭسەلەرiن وڭتۇستiككە كوشiرۋ مەملەكەت باسشىسىنىڭ تاپسىرماسى ەكەنiن اتاپ وتكەن ءجون. بۇل ۇدەرiس ايماقتىڭ الەۋمەتتiك-ەكونوميكالىق دامۋىنا وڭ سەرپiن بەرiپ، كاسiپورىنداردىڭ جۇمىس تيiمدiلiگiن ارتتىرادى دەپ كۇتiلۋدە. ءارi وبلىس بيۋدجەتi جىل سايىن 35 ميلليارد تەڭگەمەن تولىعادى دەگەن مەجە بار.

ازiرگە مۇندا «ورتالىق» وك» جشس مەن «ينكاي» بك» جشس-نiڭ ورتالىق اپپاراتتارى قونىس اۋدارىپ ۇلگەرiپتi. ال، وسى ايدىڭ سوڭىنا دەيiن «اپپاق» جشس، «قاراتاۋ» جشس، «اقباستاۋ» بك» اق جانە «زارەچنوە» بك» اق-نىڭ باس كەڭسەلەرi تولىق كوشiپ بiتەدi. جالپى، ۇستiمiزدەگi جىلى شىمكەنتكە اتوم كومپانياسىنىڭ 8 ەنشiلەس كاسiپورنى تابان تiرەپ، ناتيجەسiندە وبلىس ورتالىعى 500 وتباسىمەن تولىقپاق.

جيىندا ا.جۇماعاليەۆ وسى كوش بارىسىندا كاسiپورىندارعا كورسەتiپ وتىرعان كومەگi ءۇشiن وبلىس اكiمiنە العىسىن بiلدiرiپ، ءوزi باسقاراتىن ۇلتتىق كومپانيانىڭ وقو-نىڭ الەۋمەتتiك-ەكونوميكالىق دامۋىنا بەلسەنە اتسالىساتىنىن ايتتى. سونداي-اق، ول ايماقتى الەۋمەتتiك-ەكونوميكالىق دامىتۋ مەموراندۋمىندا بەكiتiلگەندەي، وتاندىق ءونiمدi ساتىپ الۋ ماسەلەسiندە جوسپاردىڭ 128 پايىزعا ورىندالعانىن حابارلادى. جىل باسىنان بەرi «قازاتومونەركاسiپ» جەرگiلiكتi كاسiپكەرلەر مەن تاۋار وندiرۋشiلەردەن 5,9 ميلليارد تەڭگەگە ءونiم ساتىپ العان. وسى رەتتە بۇعان دەيiن اتالمىش مەكەمە مەنشiگiندە بولعان 12 الەۋمەتتiك نىسان وبلىس اكiمدiگiنiڭ تەڭگەرiمiنە ءوتiپ، ولاردى ۇستاپ تۇرۋعا ۇلتتىق كومپانيادان بيىل 88 ميلليون تەڭگە ءبولۋ كوزدەلiپ وتىرعانى دا بەلگiلi بولدى. بۇدان بولەك جاڭا الەۋمەتتiك نىساندار قۇرىلىسى ءۇشiن جەرگiلiكتi قازىناعا 800 ميلليون تەڭگە بولمەك. كومپانيانىڭ وڭiرگە قولداۋى مۇنىمەن شەكتەلمەيدi. ماسەلەن، سوزاق اۋدانىنىڭ تاستى اۋىلىنداعى «قازاتومونەركاسiپتiڭ» ەنشiلەس كاسiپورنىنىڭ قارجىسىنا سالىنىپ جاتقان 50 ورىندى بالاباقشا قۇرىلىسى وسى قازان ايىندا اياقتالىپ، ەل يگiلiگiنە بەرiلەدi.

ساپار اياسىندا ا.جۇماعاليەۆ شىمكەنتكە قازىعىن قاققان ەنشiلەس ءھام باعىنىشتى كاسiپورىنداردىڭ اكiمشiلiك كەڭسەلەرiن ارالاپ، ولاردىڭ اعىمداعى جۇمىسىنا بايلانىستى جيىندار وتكiزدi. وعان قوسا ۋران كەنiشتەرiنە دە ات باسىن بۇردى.

تۇتقاباي ەسەنبايۇلى

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3551