جۇما, 29 ناۋرىز 2024
بيلىك 3172 0 پىكىر 17 قازان, 2015 ساعات 02:00

وقو: مارتوبەدەگى قوقىس پوليگونى جابىلادى

شىمكەنتتىڭ ىرگەسىندەگى «مارتوبە» قوقىس پوليگونىنا بايلانىستى جەرگىلىكتى تۇرعىندار بۇقارالىق اقپارات قۇرالدارى ارقىلى ءوز نارازىلىعىن بىلدىرگەن بولاتىن. وسى تۇيىتكىلدى ماسەلە توڭىرەگىندە شىمكەنت قالالىق تۇرعىن ءۇي-كوممۋنالدىق شارۋاشىلىق ءبولىمىنىڭ باسشىسى مالىك ءابدىنۇروۆ باق وكىلدەرىنە ارنايى بريفينگ ۇيىمداستىردى. 

ەسكە سالار بولساق، ەكولوگيالىق رەتتەۋ جانە باقىلاۋ كوميتەتىنىڭ وڭتۇستىك قازاقستان وبلىسى بويىنشا ەكولوگيا دەپارتامەنتىنىڭ 3 اقپانداعى №297 بۇيرىعىمەن قاراتاۋ اۋدانى تۇرعىندارىنان جيناقتالعان تۇرمىستىق قالدىقتار تولىعىمەن «مارتوبە» پوليگونىنا تاسىمالدانىپ كەلگەن. بيىل اتالمىش پوليگونعا جوبامەن 39 مىڭ توننا تۇرمىستىق قالدىقتار توگۋگە رۇقسات ەتىلگەن. قازىرگى تاڭدا «تازا قالا» مكك-ءنىڭ شەشىمىمەن مۇندا كۇنىنە 23-25 توننا كولەمدە قالدىق تاسىمالدانۋدا. ياعني ورتا ەسەپپەن قوقىس جيناۋ الاڭشاسىنا ءار كۇنى جەتكىزىلگەن قالدىقتار كولەمى 10-13  جۇك كولىگىنەن اسپايدى. 
شىمكەنت قالاسىنىڭ تازالىعى مەن كورىكتىلىگىنە باسا ءمان بەرگەن قالا  اكىمى عابيدوللا ءابدىراحىموۆ پوليگون اۋماعىنا جاقىن ورنالاسقان تۇرعىنداردىڭ تالابىن ەسكەرە وتىرىپ، وسىدان ءبىر اي بۇرىن اتالمىش پوليگوندى كوشىرۋ تۋرالى تاپسىرما بەرگەن بولاتىن. سەبەبى، اتالمىش پوليگون ونداعى كوپقاباتتى ۇيلەردەن نەبارى جارتى شاقىرىم قاشىقتىقتا ورنالاسقان. قازىر جاۋاپتى سالا ماماندارى جاڭا قوقىس پاليگونىنىڭ ورنىن قاراستىرۋدا. جاڭا ورىن انىقتالعان جاعدايدا، مارتوبە قوقىس پاليگونى تولىعىمەن جابىلماق. 
بۇل ماسەلە سايكەسىنشە الەۋمەتتىك شيەلەنىستىك تۋىنداۋىنا الىپ كەلۋىن ەسكەرە وتىرىپ قالا اكىمدىگى تاراپىنان مارتوبە ەلدى مەكەنىنىڭ قولدانىستاعى قوقىس پوليگونىنا قوسىمشا 2,15 گەكتار جەر تەلىمىن ءبولۋ جۇمىستارىن قولعا الۋدا. ءارى پوليگون تەرريتورياسىنا جاقىنداپ كەتكەن تۇرعىن ۇيلەر مەن قوقىس تاستايتىن جەردىڭ ارا قاشىقتىعىن 2005 جىلعى №137 بۇيرىق تالاپتارىنا سايكەستەندىرۋگە مۇمكىندىك بەرىپ، سانيتارلىق ارا قاشىقتىقتى 502 مەتىردەن كەمتپەۋدى قاداعالاۋدا.  
سونىمەن قاتار قوسىمشا بولىنەتىن جەردىڭ قورشاۋىن قالپىنا كەلتىرۋ جانە دەزينفەكتسيالىق شۇڭقىردىڭ (دەزينفەكتسيوننايا ياما) قۇرىلىسى جۇرگىزۋگە ءتيىستى تاپسىرمالار بەرىلدى. قوسىمشا بولىنگەن جەر تەلىمىنىڭ سىيىمدىلىعى 3 جىلعا ەسەپتەلگەن. وسى ۋاقىت كەزىندە قالا اكىمدىگى تاراپىنان اتالعان اۋماقتارعا قىزمەت كورسەتەتىن جاڭا پوليگونعا جەر تەلىمىن ىزدەستىرىپ ءبولۋ جانە ينۆەستورلاردى ەنگىزە وتىرىپ وڭدەيتىن زاۋىت قۇرىلىسىنىڭ جۇمىسىن جۇرگىزۋ جوسپارلانۋدا.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3601