تۇلكىباس اۋدانىنىڭ پروكۋراتۋراسىمەن تۇرعىن ءۇي-كوممۋنالدىق شارۋاشىلىق جولاۋشىلار كولىگى جانە اۆتوموبيل جولدارى بولىمىندە (بۇدان ءارى - ءبولىم) مۇلىك تۋرالى زاڭنامالارىنىڭ قولدانىلۋىنا تەكسەرۋ جۇرگىزىلدى، - دەپ حابارلايدى اباي-اقپارات.

مەملەكەتتىك مۇلىك تۋرالى قازاقستان رەسپۋبليكاسى زاڭىنىڭ 4-بابىنا سايكەس، وسى زاڭ مەملەكەتتىك مۇلىكتى باسقارۋ سالاسىنداعى قۇقىقتارى مەن مىندەتتەرىن ايقىندايدى، مەملەكەتتىڭ مەنشىك قۇقىعىندا مەملەكەتكە تيەسىلى مۇلىكتى يەلەنۋدى، پايدالانۋدى جانە وعان بيلىك ەتۋدى قوسا العاندا، مۇلىكتىك قۇقىقتى جۇزەگە اسىرۋ ءتارتىبىن، مەملەكەتتىك مۇلىككە، ونىڭ ىشىندە مۇلىكتى مەملەكەت مەنشىگىنە الۋ جانە جەكەشەلەندىرۋ كەزىندە قۇقىقتارعا يە بولۋ جانە توقتاتۋ، سونداي-اق جەكە تۇلعالاردىڭ جانە مەملەكەتتىك ەمەس زاڭدى تۇلعالاردىڭ ولاردى يەلەنۋ نەمەسە پايدالانۋ ءتارتىبىن بەلگىلەيدى.

«جىلجىمايتىن مۇلىككە قۇقىقتاردى مەملەكەتتىك تىركەۋ تۋرالى» زاڭىنىڭ 9-بابىنا سايكەس، تۇلعا قۇقىق (قۇقىق اۋىرتپالىعى) تۋىنداۋى ءۇشىن نەگىز بولىپ تابىلاتىن زاڭدىق فاكت باستالعان، ونىڭ ىشىندە شارتتى نوتاريات كۋالاندىرعان، سوت شەشىمى كۇشىنە ەنگەن، وزگە دە قۇقىق بەلگىلەيتىن قۇجاتتار بەرىلگەن كەزدەن باستاپ التى ايدان كەشىكتىرمەي مەملەكەتتىك تىركەۋ تۋرالى وتىنىشپەن جۇگىنۋگە مىندەتتى.

بىراق، تەكسەرۋ بارىسىندا 2014 جىلدىڭ شىلدە ايىندا قۇرىلىس نىسانى اياقتالعان ساستوبە كەنتىندەگى كوپقاباتتى تۇرعىن ءۇيدىڭ پاتەرلەرى ءبىر جىلعا جۋىق مەرزىم ارالىعىندا مەملەكەتتىك تىركەۋدەن وتپەگەنى، تيىسىنشە، مەملەكەتتىڭ مەنشىگىنە زاڭ تالاپتارىنا سايكەس الىنباعانى انىقتالدى. 

اتاپ كورسەتكەندە، 2014 جىلى تۇلكىباس اۋدانى ساستوبە كەنتىندەگى جاڭا مولتەك اۋدانىنداعى №13 «ب» كوپ قاباتتى تۇرعىن ءۇيدىڭ 9 پاتەردىڭ قايتا قۇرۋعا قۇرىلىس جۇمىستارى جۇرگىزىلگەن.

16.07.2014ج. مەردىگەرمەر كەلىسىم شارت تالاپتارى تولىعىمەن ورىندالىپ، مەملەكەتتىك قابىلداۋ كوميسسياسىمەن نىسان قولدانىسقا قابىلدانعان.

ازاماتتىق كودەكسىنىڭ 118-بابىنىڭ تالاپتارىنا سايكەس، ەگەر وسى كودەكستە جانە «جىلجىمايتىن مۇلiككە قۇقىقتاردى مەملەكەتتiك تiركەۋ تۋرالى» قازاقستان رەسپۋبليكاسىنىڭ زاڭىندا وزگەشە بەلگiلەنبەسە، جىلجىمايتىن مۇلiككە قۇقىقتار (قۇقىقتار اۋىرتپالىقتارى) مەملەكەتتiك تiركەلگەن كەزدەن باستاپ تۋىندايدى، وزگەرەدi جانە توقتاتىلادى.

دەمەك، ساستوبە كەنتىندەگى كوپقاباتتى تۇرعىن ءۇيدىڭ پاتەرلەرى وسى ۋاقىتقا دەيىن مەملەكەتتىك تىركەۋدەن وتپەگەندىكتەن، مەملەكەت الدىندا جىلجىمايتىن مۇلىككە قۇقىقتار تۋىنداماعان.

تەكسەرۋ ناتيجەسىمەن، پروكۋرورلىق قاداعالاۋ اكتىلەرى ەنگىزىلىپ، قۇرىلىس نىسانى مەملەكەتتىك تىركەۋدەن وتكىزىلدى.

تۇلكىباس اۋدانىنىڭ پروكۋرورى ا.پاشاەۆ

Abai.kz