2015 جىلعى 16 قازان كۇنى 18 قازان - رۋحاني كەلىسىم كۇنىنە وراي شاردارا قالاسىنداعى ورتالىق كىتاپحانادا ء«دىن، قوعام جانە جاستار» تاقىرىبىمەن دوڭگەلەك ۇستەل وتكىزىلدى، - دەپ حابارلايدى اباي-اقپارات.

دوڭگەلەك ۇستەلگە مەكەمە باسشىلارى، اۋدانداعى ءتۇرلى ۇلت وكىلدەرى، جاستار، قوعامدىق بىرلەستىكتەر جانە باق وكىلدەرى قاتىسىپ، بۇگىنگى تاڭداعى ءدىن مەن قوعام جانە جاستاردىڭ ماسەلەلەرى قوزعالىپ، وي-پىكىرلەرىمەن ءبولىستى. دوڭگەلەك ۇستەل وتىرىسىن اۋداندىق ىشكى ساياسات ءبولىمىنىڭ باس مامانى ۇ.زەينەديلوۆا جۇرگىزىپ وتىردى. ۇ.زەينەديلوۆا دوڭگەلەك ۇستەلگە قاتىسۋشىلاردى قازاقستان حالقى اسسامبلەياسىنىڭ، كونستيتۋتسيامىزدىڭ 20 جىلدىعىمەن، ۇوس جەڭىستىڭ 70 جىلدىعىمەن جانە قازاق حاندىعىنىڭ 550 جىلدىعىمەن قۇتتىقتاپ، 18 قازان رۋحاني كەلىسىم كۇنىنىڭ ءمان-ماڭىزىنا توقتالىپ ءوتتى. ب.سوقپاقباەۆ جالپى ورتا مەكتەبىنىڭ مۇعالىمى

يرينا شەراليەۆا قازاقستاندى بىرلىك پەن تاتۋلىق مەكەنى ەكەنىن ايتا كەلە، 1995 جىلى ەلباسىمىزدىڭ باستاماسىمەن قۇرىلعان قازاقستان حالقى اسسامبلەياسىنىڭ قازاقستان حالقىن بىرىكتىرۋدەگى وراسان ۇلەسىن ۇلكەن ماقتانىشپەن اتاپ ءوتىپ، دوڭگەلەك ۇستەلگە جينالعانداردى قازاقستان حالقى اسسامبلەياسىنىڭ 20 جىلدىعىمەن قۇتتىقتادى.

شاردارا قالالىق قاۋىمداستىعىنىڭ توراعاسى ق.ىلەسوۆ ءدىن مەن قوعام جانە جاستار جايلى ايتا كەلە، بۇگىنگى تاڭدا جاستاردىڭ جاپپاي دىنگە بەت بۇرعانىن قۇپتاي وتىرىپ، جاستارىمىزدى كەرەعار ءدىني اعىمداردىڭ جەتەگىندە كەتىپ قالماۋى ءۇشىن وتكىزىلىپ جاتقان كەزدەسۋلەر بارىسىمەن تانىستىرىپ ءوتتى.

اۋداندىق مادەنيەت جانە تىلدەردى دامىتۋ ءبولىمىنىڭ باسشىسى ش.قاپباروۆ رۋحاني كەلىسىم كۇنى ەلىمىزدە كەڭ كولەمدە وتكىزىلەتىنىنە توقتالا كەلە، رۋحاني ىزگىلىكتەردى قادىر تۇتقان ءبىزدىڭ ەلدە ءوزارا كەلىسىمنىڭ نەگىزى قالىپتاسقانىن ايتا كەلە، جاستاردىڭ ءدىني ساۋاتتىلىعىنا نازار اۋدارۋ كەرەكتىگىن اتاپ ءوتتى.

دوڭگەلەك ۇستەل وتىرىسىن اۋداندىق ىشكى ساياسات ءبولىمىنىڭ باس مامانى ۇ.زەينەديلوۆا قورىتىندىلاپ، اۋداندا ءوز ەڭبەگىمەن كوپشىلىكتىڭ العىسىنا يە بولىپ جۇرگشەن بىرنەشە ازاماتتارعا سىي -سياپاتتار تاپسىردى.

اۋداندىق ىشكى ساياسات ءبولىمىنىڭ باس مامانى ا.اليبەكوۆ

Abai.kz