سەيسەنبى, 21 قىركۇيەك 2021
بيلىك 4348 0 پىكىر 24 قازان, 2015 ساعات 20:55

وقو: ەلىمىزدەگى ەڭ ۇلكەن ويىن-ساۋىق ورتالىعى سالىنادى

وبلىس اكىمى ب.اتامقۇلوۆ پەن ينۆەستورلار اراسىندا جۇرگىزىلگەن كەزدەسۋ ناتيجەسىندە، شىمكەنت قالاسىندا جالپى اۋماعى 38,0 گا جەر تەلىمىندە قازاقستاندا ەڭ ۇلكەن «Shymkent mall» ساۋدا-ويىن ساۋىق كەشەنى سالىناتىن بولدى، - دەپ حابارلايدى وقو اكىمىنىڭ ءباسپاسوز قىزمەتى. 

 

ورتالىق 38 گەكتار جەردە ورنالاساتىن بولادى. ونىڭ اۋماعى — 120 مىڭ شارشى مەتر. جاڭا ساۋدا ورتالىعىندا وتباسىلىق دەمالىسقا ارنالعان كوپتەگەن نىساندار سالىنادى.

بۇل جەردە دۇكەندەر، گيپەرماركەت، كينوتەاتر، بالالار ويىن-ساۋىق پاركى، فۋد-كورت بولادى. شىمكەنت ءۇشىن ۇلكەن جاڭالىق بولعالى وتىرعانى — 15 مىڭ شارشى مەتر اۋماقتى الاتىن جابىق اكۆاپارك پەن 40 مىڭ شارشى مەترلىك فەشن-گالەرەيا.

ەلىمىزدەگى ەڭ ۇلكەن كەشەننىڭ قۇرىلىسىنا شامامەن 42 ملرد تەڭگە كەتەدى دەپ جوسپارلانىپ وتىر. بارلىق جۇمىستار اياقتالعان سوڭ ول جەرگە 4 مىڭداي ادام جۇمىسقا الىنادى. ودان بولەك، كەشەننىڭ ماڭايىندا كۇنىنە 350 جولاۋشىعا ءبىر ۋاقىتتا قىزمەت ەتە الاتىن 8 پلاتفورمالى اۆتوۆوكزال سالىنادى.

جالپى اۋدانى 120,0 مىڭ شارشى مەتردى قۇرايتىن Cاۋدا-ويىن ساۋىق كەشەنىندە بىرقاتار قىزمەت كورسەتۋ نىساندارى ورنالاستىرىلادى.  

اتاپ ايتقاندا:

  • گيپەرماركەت - 10,0 مىڭ شارشى مەتر;
  • دۇكەندەر - 10,0 مىڭ شارشى مەتر;
  • كينوتەاترلار» - 4,0 مىڭ شارشى مەتر;
  • بالالارعا ارنالعان ويىن-ساۋىق پاركى - 3,5 مىڭ شارشى مەتر;
  • اكۆاپارك - 15,0 مىڭ شارشى مەتر;
  • 3000 ادامعا ارنالعان فۋد-كورت ورىندارى;
  • ەلەكترونيكا دۇكەندەرى» - 2,5 مىڭ شارشى مەتر;
  • زاماناۋي فەشن گالەرەياسى» - 40,0 مىڭ شارشى مەتر، سونىمەن قاتار، 3500 اۆتو كولىككە ارنالعان اۆتوتۇراق قامتىلاتىن بولادى.

جوباعا جالپى سومماسى 42,0 ملرد.تگ قۇرايتىن جەكە ينۆەستيتسيا تارتىلادى جانە 4000 جاڭا جۇمىس ورىندارى اشىلاتىن بولادى. بۇدان بولەك، كەشەندە 8 پلاتفورمادان تۇراتىن جانە ءبىر ۋاقىتتا 350 جولاۋشىنى قابىلدايتىن اۆتوۆوكزال جۇمىس جاسايتىن بولادى. كەشەن زاماناۋي تەندەنتسيالاردى ەسكەرە وتىرىپ، جوبالانعان جانە ورنالاسقان قالا اۋماعى ينفراقۇرىلىم جۇيەلەرىمەن تولىق قامتىلىپ، قالا تۇرعىندارىنا ءتيىمدى، قول جەتىمدى جاڭا فورماتتاعى ساپالى قىزمەت كورسەتەتىن بولادى. «Shymkent mall» شىمكەنت قالاسىنىڭ شىرايىن اشا ءتۇسىپ، ەلىمىزدەگى ەڭ ءىرى قايتالانباس ساۋدا ورتالىعى بولماق. كورسەتىلەتىن قىزمەتتەردىڭ جوعارعى دەڭگەيگە كوشۋىنە وڭ ىقپالىن تيگىزەتىن بولادى.

Abai.kz

0 پىكىر