دۇيسەنبى, 20 مامىر 2024
جاڭالىقتار 4392 0 پىكىر 27 قازان, 2015 ساعات 08:45

وقو: يندۋستريالدى ايماقتا جاڭا زاۋىت سالىنادى

بۇگىن، 26 قازاندا وبلىس باسشىلىعى مەن «تسزين-تۋ-دي» (قىتاي. داتسين) قىتاي كومپانياسى جەتەكشىلىگىنىڭ اراسىندا ىسكەرلىك كەزدەسۋ ءوتتى، - دەپ حابارلايدى وقو اكىمىنىڭ ءباسپاسوز قىزمەتى.

اتالعان كومپانيا قىتايدا  سۋدى ۇنەمدەۋدى ەندىرۋ تەحنولوگياسى بويىنشا ءىرى كومپانيالاردىڭ ءبىرى بولىپ تابىلادى.  كەزدەسۋ بارىسىندا «وڭتۇستىك» يندۋستريالدى ايماعىندا زاۋىت قۇرىلىسىن باستاۋ  تۋرالى كەلىسىمگە قول جەتكىزىلدى. جاڭا زاۋىت تولىق تسيكلدى تامشىلاتىپ سۋارۋ قۇرىلعىلارىنىڭ جابدىقتارىن شىعاراتىن بولادى. جوباعا سالىنىپ وتىرعان قارجىنىڭ جالپى قۇنى 28 ملن. اقش دوللارىن قۇرايدى. نىساننىڭ قۇرىلىسى ەكى كەزەڭدە ىسكە اسىرىلاتىن بولادى. I كەزەڭ – 2016 جىلدىڭ ءبىرىنشى جارتىجىلدىعىندا اياقتالسا، II-كەزەڭ 2017 جىلى بىتەدى دەپ جوسپارلانۋدا. سونداي-اق، جەرگىلىكتى شارۋالاردىڭ اۋىل شارۋاشىلىعى بويىنشا بىلىكتىلىگىن ارتتىرۋ ماقساتىندا زاۋىت اۋماعىندا وقۋ ورتالىعىن قۇرۋ جوسپارلانۋدا.

بۇعان دەيىن وڭتۇستىك قازاقستاندا 19 يندۋستريالدى ايماق قۇرىلىپ جاتقانىن جازعان ەدىك. بۇگىندە ونىڭ تورتەۋى شىمكەنتتە ىسكە اسسا، جالپى كولەمى 153 گا قۇرايتىن 2 يندۋستريالدى ايماق تۇركىستان قالاسى مەن سوزاق اۋدانىندا پايدالانۋعا بەرىلىپ وتىر. بۇل تۋرالى «وڭتۇستىك» اقپارات ورتالىعىندا وتكەن بريفينگتە «وڭتۇستىك» يندۋستريالدى ايماعى» جشس ديرەكتورى مۇحتار تۇرابەكوۆ حابارلادى.

جىل سوڭىنا دەيىن «وڭتۇستىك» يندۋستريالدى ايماعىن قوسقاندا بۇل كورسەتكىش 12-گە ارتسا، 2016-2017 جىلدارى اۋدان-قالالاردا 7 يندۋستريالدى ايماقتىڭ قۇرىلىسى اياقتالماق. ولاردىڭ قاتارىندا ارىس قالاسى، سايرام، سارىاعاش، وتىرار، تولەبي، ورداباسى اۋداندارىنداعى يندۋستريالدى ايماقتار مەن شىمكەنت قالاسى ماڭىنداعى اگرو-يندۋستريالدى ايماعى بار. وسىلايشا وڭىردە ونەركاسىپتىك ءوندىرىس پەن بيزنەس ءۇشىن 975 گەكتار اۋماقتا دايىن ونەركاسىپتىك الاڭدار قالىپتاسپاق.

بيىل قازاقستان-تۇركيا بيزنەس فورۋمىندا ەكى ەل باسشىلارىنىڭ كەلىسىمىمەن قازاق-تۇرىك يندۋستريالدى ايماعىن بىرلەسىپ باسقارۋ بويىنشا انكارا قالاسىنىڭ كاسىپكەرلىك پالاتاسى مەن «وڭتۇستىك» يندۋستريالدى ايماقتارىنىڭ باسقارۋشى كومپانياسى» اراسىندا كەلىسىم-شارت جاسالدى.

سونداي-اق، فارماتسەۆتيكا، ماشينا جاساۋ جانە مەتاللۋرگيا سەكىلدى سالالاردىڭ كلاستەرلىك دامۋىنا باعىتتالعان 292 گا قۇرايتىن «بادام»، «كتيز» جانە «تاسساي» يندۋستريالدى ايماقتارى قۇرىلىپ وتىر. مۇندا تارتىلعان جەكە ينۆيستيتسيا كولەمى 82 ملرد تەڭگەنى ($450 ملن) قۇرادى.

قازاق-تۇرىك يندۋستريالدى ايماعىمەن قاتار قازاقستان-قىتاي يندۋستريالدى ايماعى قۇرىلماق. بۇل ءۇشىن حەبەي، شانسي، شاندۋن پروۆينتسياسىندا قىتاي حالىقارالىق ساۋدا پالاتاسىمەن ىنتىماقتاستىق تۋرالى مەموراندۋمعا قول قويىلدى.

جالپى، وبلىسىمىزداعى بارلىق يندۋستريالدى ايماقتارىندا قۇنى 177 ملرد تەڭگەنى قۇرايتىن 148 ينۆيستيتسيالىق جوبا ىسكە اسىپ، ناتيجەسىندە 15 829 جاڭا جۇمىس ورنى اشىلدى. ىسكە اسقان جوبالاردىڭ 75-ءسى وبلىسىمىزدىڭ اۋداندارى مەن قالالارىندا ورنالاسقان.

اباي-اقپارات

0 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2173
ادەبيەت

«سولاي ەمەس پە؟»

عابباس قابىشۇلى 2575
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2461
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1672