دۇيسەنبى, 20 مامىر 2024
جاڭالىقتار 3559 0 پىكىر 27 قازان, 2015 ساعات 11:33

نارىمباەۆ قاماۋدان بوساتىلمادى

الماتى قالالىق سوتىنىڭ اپەللياتسيالىق كوللەگياسى «ۇلت ارازدىقتى قوزدىرۋ» بابى بويىنشا كۇدىكتى دەپ تانىلعان ازاماتتىق بەلسەندى ەرمەك نارىمباەۆتى تۇتقىنداۋ تۋرالى سوت شەشىمىنە قارسى اپەللياتسيالىق ارىزدى قابىلدامادى.

​سۋديا ارداق ەشەەۆ نارىمباەۆتىڭ اپەللياتسيالىق ارىزىن باق جانە قوعامدىق ۇيىمدار وكىلدەرىنىڭ قاتىسۋىنسىز قاراۋ تۋرالى قاۋلى شىعاردى. قاماۋدا وتىرعان نارىمباەۆ سوتقا شاقىرىلعان جوق. ەرمەك نارىمباەۆتىڭ ادۆوكاتى جانار بالعاباەۆا ازاتتىققا بۇل سوتتىڭ سوڭعى شەشىمى ەكەنىن حابارلادى. ول ء«ىس وڭ شەشىلمەگەن جاعدايدا ادام قۇقىقتارى جونىندەگى بۇۇ كوميتەتىنە شاعىم بەرىلەتىنىن» ايتتى.

ەرمەك نارىمباەۆ 12 قازان كۇنى الماتىداعى ۇيىنە ءتىنتۋ جۇرگىزگەن سوڭ ۇستالعان. سوت ونىڭ ۇيقاماقتا قالدىرۋ نەمەسە كەپىلگە بوساتۋ تۋرالى ءوتىنىشىن قاناعاتتاندىرماي، 15 قازاندا ەكى ايعا تۇتقىنداۋ تۋرالى شەشىم شىعارعان.

ەرمەك نارىمباەۆپەن قوسا جانە تاعى ءبىر ازاماتتىق بەلسەندى سەرىكجان مامبەتالين دە Facebook الەۋمەتتىك جەلىسىندە اۆتورى مۇرات تەلىبەكوۆ دەلىنگەن باسىلماعان كىتاپتىڭ ۇزىندىلەرىن جاريالاعانى ءۇشىن جاۋاپقا تارتىلعان.

26 قازاندا قالالىق سوت سەرىكجان مامبەتاليننىڭ دە تۇتقىنداۋعا قاتىستى اپەللياتسيالىق ارىزىن قاناعاتتاندىرمادى.

ەرمەك نارىمباەۆ بيلىكتى سىناعانى ءۇشىن بىرنەشە مارتە جاۋاپقا تارتىلعان، «رۇقسات ەتىلمەگەن نارازىلىق شاراسىنا قاتىسى بار» دەگەن ايىپپەن اكىمشىلىك تۇتقىندا بولعان. سەرىكجان مامبەتالين ءوزى باسقارعان «رۋحانيات» پارتياسى 2011 جىلعى پارلامەنت سايلاۋىنا قاتىسۋدان شەتتەتىلىپ، پارتيا توراعاسى قىزمەتىنەن بوساتىلعان سوڭ الەۋمەتتىك جەلىلەردە بيلىكتى ءجيى سىناپ پىكىر جازعان.

اباي-اقپارات

0 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2173
ادەبيەت

«سولاي ەمەس پە؟»

عابباس قابىشۇلى 2575
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2460
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1672