بەيسەنبى, 18 ءساۋىر 2024
بيلىك 5219 0 پىكىر 28 قازان, 2015 ساعات 03:00

وقو: 74 تۇرعىن ءۇي پايدالانۋعا بەرىلمەك

ءوڭىر باسشىسى شىمكەنت قالاسىنداعى قۇرىلىسى ءجۇرىپ جاتقان بىرقاتار نىسانداردى ارالادى، - دەپ جازادى "وڭتۇستىك رابات" گازەتىنىڭ ءتىلشىسى.

اكىم اكىمشىلىك-ىسكەرلىك ورتالىعىنداعى كوركەم گيمناستيكاعا ارنالعان سپورت كەشەنىنىڭ قۇرىلىس جۇمىستارىمەن تانىستى. اتالعان ورتالىقتىڭ قۇرىلىسىن مەردىگەر مەكەمە «كدسم» جشس جۇرگىزۋدە. كوركەم گيمناستيكاعا ارنالعان سپورت كەشەنى 8 بلوكتان تۇرادى. مۇندا سپورتتىق ارەنا، ەكى كورىنىس الاڭى جانە 750 كورەرمەنگە ارنالعان تريبۋنا بار. سونىمەن قاتار، 4 جاتتىعۋ الاڭى، حورەوگرافيا زالى، دايىندىققا ارنالعان جاتتىعۋ زالدارى مەن ۆەنتكامەرا، بۋفەت، مەدپۋنكت جانە ەگۋ بولمەسى، سپورتشىلاردىڭ كيىم اۋىستىرۋ جانە جۋىنۋ بولمەسى قاراستىرىلعان. سونداي-اق، 4 ءبىر ورىندىق قوناقجاي بولمەسى، ەكى ورىندىق 6 نومەر، باسسەين، 38 ادامعا ارنالعان ەكى ورىندىق جاتىن بولمەسى مەن گالەرەيا بار. قازىرگى تاڭدا قۇرىلىس-مونتاج جۇمىستارى 90 پايىز ورىندالعان. نىسان قۇرىلىسى بيىلعى جىلدىڭ قاراشا ايىندا تولىق اياقتاپ پايدالانۋعا بەرىلمەك.

وبلىس باسشىسى اكىمشىلىك-ىسكەرلىك ورتالىعىنداعى جاڭا تۇرعىن الابى مەن نىساندارعا جىلۋ بەرەتىن قۋاتتىلىعى 160 گكال قازاندىقتىڭ جۇمىسىمەن تانىستى. قازاندىقتىڭ بۇگىنگى كۇنگە يرريگاتسيالىق لوتوكتاردى ورناتۋ، جارىقتاندىرۋ جانە اسفالت توسەۋ جۇمىستارى تولىعىمەن اياقتالىپ، ىسكە قوسۋ جۇمىستارى پىسىقتالۋدا.
قالاداعى نىسانداردى ارالاۋ بارىسىندا وبلىس باسشىسى 40 كوپپاتەرلى №2ب، №2ۆ كوممۋنالدىق ارەندالىق تۇرعىن ۇيلەردىڭ ساپاسىمەن تانىستى. توعىز قاباتتى ۇيلەردىڭ ءبىرىنشى قاباتىندا كەڭسەلەر ورنالاسقان. ءاربىر تۇرعىن ءۇي 128 پاتەردەن تۇرادى. شىمكەنتتە 103 كوپقاباتتى تۇرعىن ءۇي (5351 پاتەر، 293,3 مىڭ ش.م.) قۇرىلىسى جۇرگىزىلۋدە. جىل قورىتىندىسى بويىنشا 4271 پاتەرلى 74 تۇرعىن ءۇي پايدالانۋعا تاپسىرىلادى.

ەستەرىڭىزگە سالامىز، بيىل وڭتۇستىك قازاقستان وبلىسىندا قۇرىلىس كولەمى 18%-عا ءوستى.

جالپى، 2015 جىلى وڭىردە 405,5 مىڭ شارشى مەتر ءۇيدى پايدالانۋعا بەرۋ جوسپارلانىپ وتىر.

قازىرگى ۋاقىتتا 69 تۇرعىن ءۇي سالىنىپ جاتىر، ولاردىڭ 12 رەسپۋبليكالىق بيۋدجەتتىڭ قاراجاتىنا جانە 57 ءۇي وبلىستىق بيۋدجەتتىڭ قاراجاتىنا سالىناتىن بولادى.

بارلىعى 2015 جىلدىڭ سوڭىنا دەيىن 43 ءۇي سالىنادى، ال 2016 جىلى تاعى دا 26 ءۇيدىڭ قۇرىلىسى جالعاساتىن بولادى.

«قولجەتىمدى باسپانا-2020» مەملەكەتتىك باعدارلاماسى اياسىندا 84 ءۇي سالىنىپ، 23 ءۇي پايدالانۋعا بەرىلدى.

Abai.kz

0 پىكىر