جارىقتىڭ جوقتىعىن ايتقانى ءۇشىن 5 تاۋلىككە قامالدى
وزبەكستاننىڭ ءاندىجان وبلىسى ايىم اۋىلىنداعى مەكتەپ مۇعالىمى مۋحاممادريزو ەرگاشەۆ ەلەكتر قۋاتىنىڭ شەكتەلۋىنە بايلانىستى شاعىمدانعانى ءۇشىن 5 تاۋلىككە قامالدى. بۇل تۋرالى «وزودليك»(«ازاتتىق» راديوسىنىڭ وزبەك رەداكتسياسى) حابارلادى
20-جاستاعى ەرگاشەۆتىڭ سوزىنشە، قازاننىڭ 19-دا ول اندىجانداعى اۋماقتىق ەلەكتر جەلىلەرى كاسىپورنىنا ەلەكتر قۋاتىن شەكتەگەنىنە نارازىلىق ءبىلدىرىپ شاعىمدانادى. بۇعان جاۋاپ رەتىندە ميليتسيا جاس جىگىتتى بەس كۇنگە اس-سۋ بەرمەستەن اباقتىعا جاۋىپ تاستاعان. ەلەكتر جەلىلەرىنىڭ وكىلى ەرگاشەۆتىڭ ءسوزىن جوققا شىعارۋدا.
بۇدان بولەك، «وزودليك» ءتىلشىسى ءاندىجان وبلىستىق ىشكى ىستەر باسقارماسىنان دا جاۋاپ الا الماعان. وزبەك باق-تارىنىڭ حابارلاۋىنشا، سوڭعى بىرنەشە جىلدان بەرى وزبەكستان اۋىلدارىندا ەلەكتر قۋاتى تاۋلىگىنە 2-3 ساعاتقا عانا بەرىلەدى.
اباي-اقپارات
