بۇكىلالەمدىك بانك ەلىمىزدىڭ سەيسمولوگيالىق احۋالىنا الاڭدايدى
بۇكىلالەمدىك بانكتىڭ ورتالىق ازيا جانە ەۋروپاداعى تابيعي اپات قاۋپىن باسقارۋ جونىندەگى ايماقتىق ۇيلەستىرۋشىسى حۋاكين تورو 27 قازاندا زەرتتەۋلەردىڭ ناتيجەسىن باياندادى. رەسمي تۇردە تولىق جەلتوقسان ايىندا جاريا ەتىلەدى.
«التماتىداعى جويقىن زەر سىلكىنىسى قازاقستان ءۇشىن ءىىو-ءنىڭ 14-تەن 20 پروتسەنتىن قۇراۋى مۇمكىن. بىلەسىز بە، بۇل وتە قوماقتى سوما. ءبىز بارلىق نازاردى نىسانداردىڭ سەيسمو تۇراقتىلىعىن كۇشەيتۋگە جانە مودەرنيزاتسيالاۋعا بۇرۋعا شاقىرامىز. بۇل قالادا قايتا جوندەۋدى قاجەت ەتەتىن سوۆەت وداعىنان بۇرىن سالىنعان عيماراتتار وتە كوپ»،- دەپ مالىمدەدى حۋاكين تورو ورتالىق ازيالىق فورۋم كەزىندە.
ءوز كەزەگىندە ءىىم توتەنشە جاعدايلار جونىندەگى كوميتەت توراعاسىنىڭ ورىنباسارى جاسۇلان جۇماشەۆ قازاقستاننىڭ باتىس ايماعى دا كۇشتى جەر سىلكىنىسىنە توتەپ بەرە المايتىنىن جەتكىزدى.
ونىڭ سوزىنشە، ماڭعىستاۋ، اتىراۋ، باتىس قازاقستان ايماقتارىنىڭ گەولوگيالىق وتكەنى بۇل جەردە جويقىن جەر سىلكىنىسى ورىن العانىن كورسەتەدى.
اباي-اقپارات
