سارسەنبى, 10 تامىز 2022
جاڭالىقتار 4607 0 پىكىر 30 قازان, 2015 ساعات 15:03

ساحاروۆ سىيلىعى ساۋديالىق بلوگەرگە بەرىلدى

ساۋد ارابياسىندا قاماۋدا جاتقان بلوگەر رايف باداۋي ەۋروپا وداعىنىڭ وي ەركىندىگى ءۇشىن بەرىلەتىن ساحاروۆ اتىنداعى سىيلىعىنا لايىق دەپ تانىلدى. بۇل شەشىمدى بەيسەنبى كۇنى ەۋروپا پارلامەنتىنىڭ جەتەكشىلەرى شىعاردى.

باداۋي 2012 جىلى «دىنگە ءتىل تيگىزدى» جانە «اكەسىنە باعىنبادى» دەگەن ايىپپەن قامالىپ، 2014 جىلى 10 جىلعا سوتتالعان. دجيددا سوتى وعان قوسىمشا جازا رەتىندە «266 مىڭ دوللارداي ايىپپۇل سالىنسىن، 1000 رەت دۇرە سوعىلسىن» دەپ شەشكەن.

ءباداۋيدىڭ بۇلاي جازالانۋىنا ونىڭ ساۋديالىق ءدىني جۇيەنى سىناپ، وزگەرىس كەرەك دەپ جازعان بلوگى سەبەپ بولعان. اقش-تىڭ اراب الەمىندەگى ەڭ جاقىن وداقتاسى بولىپ سانالاتىن ساۋد ارابيا پاتشالىعى كونسەرۆاتيۆتىك ۋاححابي ءسۇننيت يسلام باعىتىن ۇستانادى. ەلدەگى سوت جۇيەسى ءدىني جەتەكشىلىككە باعىنىشتى. مەملەكەتتە باسقا ءدىن وكىلدەرىنىڭ قۇلشىلىق عيماراتتارىنا جينالۋىنا تىيىم سالىنعان. بىلتىر قابىلدانعان جاڭا زاڭ بويىنشا، اتەيزم تەرروريستىك كوزقاراس بولىپ سانالادى.

بلوگەر باداۋيگە العاشقى 50 دۇرە بيىلعى قاڭتاردا سوعىلعان. ونىڭ ايەلى مەن ءۇش بالاسى كانادادا ساياسي باسپانا الىپ تۇرىپ جاتىر.

سوۆەتتىك ديسسيدەنت اندرەي ساحاروۆ اتىنداعى 50 مىڭ ەۋرولىق سىيلىق ادام قۇقىعىن قورعاۋشى جاندارعا 1988 جىلدان بەرى تابىستالىپ كەلەدى.

اباي-اقپارات

0 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  1789
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 1748
ادەبيەت

ءتۇس

ەرعالي باقاش 1652
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2674