جۇما, 29 ناۋرىز 2024
جاڭالىقتار 3907 0 پىكىر 2 قاراشا, 2015 ساعات 14:28

تقجب سىرتتان قارىز العان ەمەس

كەز كەلگەن ازاماتتىڭ بۇل ومىردە ءۇش مىندەتى بولادى ەكەن. ونىڭ ءبىرى - باسپانا تۇرعىزۋ بولسا، ەكىنشىسى - وتباسىن قۇرىپ، ۇرپاق تاربيەلەۋ، ال سوڭعىسى - اعاش وتىرعىزۋ. ەر ازاماتتىڭ وتباسىن قۇرىپ، اعاش وتىرعىزۋعا مۇمكىنشىلىگى جەتكەنىمەن،  باسپانالى بولۋ زاردابىن كوپ تارتاتىنىن قازىرگى قوعام انىق كورسەتىپ وتىر. دەگەنمەن مەملەكەتتىڭ بىردەن باسپانالى بولۋدى قالتاسى كوتەرمەيتىن ازاماتتارعا مەملەكەتتىك باعدارلاما  بويىنشا «قازاقستاننىڭ تۇرعىن ءۇي قۇرىلىس جيناق بانكى» اق ارقىلى تومەن پايىزبەن نەسيە بەرە باستاعانىنا دا ونشاقتى جىلدىڭ ءجۇزى بولدى. سونىمەن قاتار، تۇرعىن ءۇي قۇرىلىس جيناق بانكى مەملەكەتتىك تۇرعىن ءۇي قۇرىلىسى باعدارلامالارىمەن قاتار شەت ەلدەگى قانداستارىمىزدىڭ تاريحي وتانى - قازاقستانعا قونىس اۋدارۋىنا مۇمكىندىك بەرەتىن «نۇرلى كوش» جوباسىنا دا اتسالىسۋدا. بۇل تۋرالى abai.kz پورتالى جازادى.

تۇرعىن ءۇي قۇرىلىس جيناق بانكى قازىردە قازاقستان رەسپۋبليكاسىنىڭ مەملەكەتتىك تۇرعىن ءۇي قۇرىلىسى باعدارلاماسىنا قاتىسۋشىلارعا تەڭگەمەن جىلىنا 4 پايىزدىق مولشەرلەمەمەن الدىن-الا ء(تيىمدى مولشەرلەمەسى - 4,3%-عا دەيىن) جانە ارالىق ء(تيىمدى مولشەرلەمەسى - 5,1%-عا دەيىن) تۇرعىن ءۇي نەسيەلەرىن بەرۋدە.

وسى تۇستا ايتا كەتەتىن تاعى ءبىر جايت، الەمدىك قارجى داعدارىسى تۇرعىن ءۇي قۇرىلىس جيناق بانكىنىڭ جۇمىسىنا دا ءوز سالقىنىن تيگىزگەنى راس. الەمدىك قارجى داعدارىسى بانك قىزمەتىنە دە كەرى ىقپالىن تيگىزدى. الايدا، نارىقتاعى باسقا قاتىسۋشىلارعا قاراعاندا بانك بۇل قيىندىقتان جەڭىل وتۋدە.  سەبەبى تۇسىنىكتى، «قازاقستاننىڭ تۇرعىن ءۇي قۇرىلىس جيناق بانكى» سىرتتان قارىز العان ەمەس. دەگەنمەن، ەلدەگى ەكونوميكالىق جاعدايدىڭ وزگەرۋى بانكتىڭ جاڭا كليەنتتەردى تارتۋ ۇدەرىسىنە سالقىنىن تيگىزىپ وتىر. بۇل قۇبىلىس داعدارىس جاعدايىندا حالىقتىڭ الەۋمەتتىك بەلسەندىلىگىنىڭ تومەندەۋىمەن، كەي جاعدايدا، جالاقىنىڭ  ازايۋىمەن بايلانىستى. دەگەنمەن، 2008-2010 جىلدارعا ارنالعان مەملەكەتتىك تۇرعىن ءۇي قۇرىلىسى باعدارلاماسى مەن «سامۇرىق-قازىنا» ۇلتتىق ءال-اۋقات قورىنىڭ قارجىسى ەسەبىنەن نەسيە بەرۋ ارقىلى  بانك داعدارىس كەزىندە 2010-2015 جىلدار ارالىعىنا جوسپارلانعان نەگىزگى دامۋ كورسەتكىشتەرىن ساقتاپ قالعان. جاعدايدىڭ وڭالىپ كەلە جاتقانىن تۇرعىن ءۇي قۇرىلىس جيناقتارى تۋرالى كەلىسىم شارتتار سانىنىڭ ۇستىمىزدەگى جىلدىڭ قاڭتار ايىمەن سالىستىرعاندا 1-قاراشاداعى كورسەتكىشكە سايكەس، 33 پايىزعا ارتۋىنان دا بايقاۋعا بولادى.

«قول جەتىمدى باسپانا-2020» باعدارلامىسىن جۇزەگە اسىرۋ اياسىندا «تۇرعىن ءۇي قۇرىلىس جيناق بانكى» زايمداردىڭ سىياقى ستاۆكاسىن تومەندەتىپ، سالىمشىلارعا قولايلى جاعداي جاساعان.

«تۇرعىن ءۇي قۇرىلىس جيناق بانكىنىڭ» كليەنتى ءوز مۇمكىندىگىنە قاراي جيناقتاۋ مەرزىمى مەن زايمنىڭ سىياقى ستاۆكاسى بويىنشا ەرەكشەلەنەتىن ءتورت: «باستاۋ»، «وركەن»، «كەمەل»، «بولاشاق» تاريفتىك باعدارلاماسىنىڭ بىرەۋىن تاڭداي الادى. ەڭ تومەن سىياقى ستاۆكاسى «بولاشاق» ارنايى جيناقتاۋ باعدارلاماسىندا - 3,5 پايىز كولەمىندە قاراستىرىلعان (جىلدىق ءتيىمدى سىياقى ستاۆكاسى 3,6%). تۇرعىن ءۇي زايمى بويىنشا ەڭ جوعارعى سىياقى ستاۆكاسى  «باستاۋ» باعدارلاماسىندا - 5 (جىلدىق ءتيىمدى سىياقى ستاۆكاسى 5,3  %) پايىزدى قۇرايدى.

 

اbai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3601