قۇرىلىس سالاسىندا اتقارىلعان جۇمىستار تۋرالى قالا اكىمدىگىنىڭ ءباسپاسوز ورتالىعىندا جۋرناليستەرمەن وتكەن بريفينگتە قالالىق قۇرىلىس ءبولىمى باسشىسىنىڭ مىندەتىن اتقارۋشى ە.الدىباەۆ اتاپ ءوتتى.

كەنتاۋ قالاسىندا س.سەيفۋلين كوشەسىندەگى №114 مەكەن جايدا ورنالاسقان بەس قاباتتى 60 پاتەرلىك تۇرعىن ءۇي قۇرىلىسى بوي كوتەرىپ، تۇرعىندارعا پايدالانىلۋعا بەرىلدى.

«بولاشاق»، «باتىس» جانە «جۇلدىز» مولتەكاۋداندارىنىڭ ينجەنەرلىك ينفراقۇرىلىم جۇيەلەرىنىڭ قۇرىلىسىنىڭ كونكۋرستىق قۇنى 1928825,789 مىڭ تەڭگەمەن نىساننىڭ قۇرىلىسىن «بەتون Instruction» جشس جۇرگىزۋدە. مونوقالالاردى دامىتۋ باعدارلاماسى اياسىندا بىلتىرعى جىلى 500000,0 مىڭ تەڭگە قارالىپ تولىعىمەن يگەرىلگەن بولاتىن، ال بيىلعى جىلى 2015 جىلعا 400000,0 مىڭ تەڭگە قارالدى. قازىرگى تاڭدا مەردىگەر مەكەمە تاراپىنان نىساننىڭ كارىز جۇيەسى جۇرگىزىلىپ، سۋاعارلارىنىڭ (لوتوك) بىرقاتارى ورناتىلدى جانە اسفالت جول توسەۋ ءۇشىن باستاپقى جۇمىستارى جۇرگىزىلۋدە. نىسان الداعى جىلدا جالعاسىن تابادى.

«شۇعىلا» مولتەكاۋدانىنىڭ ينجەنەرلىك ينفراقۇرىلىم جۇيەلەرىنىڭ قۇرىلىسىن «نۇراي قۇرىلىس جولى» جشس جۇرگىزۋدە. نىساننىڭ قۇرىلىسىنا جالپى كونكۋرستىق قۇنى 1270205,372 مىڭ تەڭگە قارالىپ قۇرىلىس جۇرگىزىلۋدە. سونىمەن قاتار اتالعان مولتەكاۋداندا اۋىز سۋ قۇبىرلارىن ورناتۋعا اعىمداعى جىلى 94000,0 تەڭگە قارالىپ، مەردىگەر مەكەمە تاراپىنان نىساننىڭ كارىز جۇيەسىنىڭ قازبا جۇمىستارى جۇرگىزىلۋدە.

كەنتاۋ قالاسىنا قاراستى قارناق اۋىلى، شاشتوبە كوشەسىندەگى №85 مەكەنجايدا 300 ورىندىقتى ورتا مەكتەپ سالىندى. مەكتەپتىڭ قۇرىلىس مونتاج جۇمىستارى تولىعىمەن اياقتالىپ، مەملەكەتتىك قابىلداۋ كوميسسياسىنان ءوتىپ، 2015 جىلدىڭ 15 شىلدەسىنەن باستاپ نىسان پايدالانۋعا بەرىلدى. جالپى قۇنى 463912,310 تەڭگە قارالىپ قۇرىلىس جۇمىسىن «الاش تاراز» جشس جۇرگىزدى.

ال، قالامىزداعى ش.قالداياقوۆ اتىنداعى مادەنيەت سارايىنىڭ قايتا قۇرۋ جۇمىستارىن «Real-building» جشس جۇرگىزدى. نىسان تولىعىمەن اياقتالىپ، 27 تامىزدا مەملەكەتتىك قابىلداۋ كوميسسياسىنان ءوتىپ مەكەمە قولدانىسقا بەرىلدى.

كەنتاۋ قالاسىنا قاراستى بايىلدىر اۋىلىندا س.قوجانوۆ اتىنداعى 200 ورىندىقتى مەكتەپ قۇرىلىسى بوي كوتەرىپ كەلەدى. مەكتەپتىڭ قۇرىلىس جۇمىسىن ورىنداۋعا باس مەردىگەر «تەپلوۆودوسترويسەرۆيس» جشس جۇرگىزۋدە. 50000,00 مىڭ تەڭگە قارالعان نىسان قازىرگى تاڭدا ىرگەتاسى قۇيىلىپ، ءبىرىنشى قاباتتىڭ قابىرعاسى كوتەرىلىپ، ءبىرىنشى جاپپاسى جابىلعان. قۇرىلىس جۇمىسى كەلەسى جىلى دا جالعاسىن تابادى.

كەنتاۋ قالاسى ى.التىنسارين كوشەسىندە №12 مەكەنجايداعى بۇرىنعى سالىنعان 100 ورىندىق بالا-باقشاسىنا قايتا جاڭارۋ جۇمىستارى جۇرگىزىلۋدە. 2015 جىلدىڭ 14 قىركۇيەگىندە ەلەكتروندى كونكۋرس جەڭىمپازى بولىپ «جاڭا ارنا 2002» جشس مەن كەلىسىم شارت ءتۇزىلىپ، وسى ۋاقىت ارالىعىندا قۇرىلىستىڭ ىشكى جانە سىرتقى ەسكى سىلاقتارى قىرىلىپ، جاڭادان سىلاق جۇمىستارى ءجۇرىپ جاتىر. سونىمەن قاتار شاتىرى اۋىستىرىلىپ، قوقىستارى شىعارىلدى. نەگىزگى نىسان كەلەسى جىلدىڭ ەنشىسىنە قالدى.

- بىزدەگى قۇرىلىس جۇمىستارىنىڭ بارلىعى ساپالى جۇرگىزىلۋدە. قۇرىلىس جۇمىستارى بىتكەن سوڭ مەملەكەتتىك باقىلاۋشى تاراپىنان كوميسسيا كەلىپ، تەكسەرىستەن وتكىزەدى. الداعى ۋاقىتتا شۇعىلا مولتەك اۋدانىندا بەس قاباتتى سەگىز تۇرعىن ءۇي سالىنادى دەپ جوسپارلاپ وتىرمىز. وندا توعىز كوشە ورنالاساتىن بولادى, - دەدى قالالىق قۇرىلىس ءبولىمى باسشىسىنىڭ مىندەتىن اتقارۋشى ە.الدىباەۆ.

Abai.kz